Që nga 26 dhjetori, hyrja dhe dalja nga SHBA-të për të gjithë jo-amerikanët, turistët, ata me vizë apo banorët e përhershëm, shoqërohet me kontrolle biometrike të detyrueshme.
Përveç pasaportës dhe njohjes së fytyrës, mund të kërkohen: gjurmët e gishtave të dorës, skanimi i ngjyrës dhe strukturës së syrit që ka model unik për çdo njeri, si dhe i pëllëmbës.
Kontrollet nuk bëjnë përjashtime sipas moshës: edhe fëmijët nën 14 vjeç dhe të moshuarit mbi 79 duhet t’u nënshtrohen.
Nuk përjashtohen as diplomatët dhe qytetarët kanadezë.
Të dhënat ruhen në arkivat federale për 75 vjet, duke e bërë secilin vizitor “të gjallë” digjitalisht për dekada.
Ky sistem ka shkaktuar reagime të ndryshme: baza MAGA e mbështet për “sigurinë kombëtare”, ndërsa juristët dhe aktivistët e të drejtave civile pretendojnë shkelje të privatësisë.
Pjesë e menaxhimit të të dhënave është kompania Palantir, themeluar nga Peter Thiel, aleat i ngushtë i Trump. Të dhënat mund të përdoren për analiza globale të sjelljeve, duke krijuar një “hartë” të fytyrave, lëvizjeve dhe zakoneve, sipas vizionit të Thiel për përdorimin e teknologjisë nga qeveritë.