Një aksident është regjistruar pasditen e kësaj të premte në aksin Lezhë-Shkodër. Aksidenti ka ndodhur në orën 18:00 në kryqëzimin e Gjadrit.
Sipas policisë në aksident janë përfshirë dy automjete. Si pasojë u plagosën dy persona. Ata janë dërguar në spital ku kanë marrë ndihmë mjekësore. Policia ka nisur hetimet lidhur me ngjarjen.
“Lezhë/Informacion paraprak. Rreth orës 18:00, në aksin rrugor Lezhë–Shkodër, në vendin e quajtur kryqëzimi i Gjadrit, automjeti me drejtues shtetasin F. Z. është përplasur me një automjet tjetër, me drejtues shtetasin E. S.
Si pasojë e aksidentit, janë dëmtuar shtetasi F. M., si dhe pasagjerja që ndodhej në këtë automjet, shtetasja M. D., të cilët janë transportuar në spital për ndihmë mjekësore dhe ndodhen nën kujdesin e mjekëve.
Grupi hetimor ndodhet në vendngjarje dhe po vijon veprimet për sqarimin e plotë të rrethanave dhe shkaqeve të aksidentit”, njofton policia.
