Dy duar të prera janë gjetur në një autostradë në Gjermani, të cilat i përkasin një gruaje të re, ndërsa disa kilometra më larg, pranë një manastiri është gjetur një karrocë me një foshnjë brenda saj.
Ngjarja e rëndë është shënuar në North Rhine-Westphalia, ndërsa foshnja është gjetur në gjendje të mirë shëndetësore, e lënë jashtë derës së manastirit në Kröffelbach, Hesse.
Duart e prera janë parë nga një shofer, i cili më pas ka njoftuar policinë. Ende nuk dihet nëse gruaja është gjallë, ndërsa kërkimet për të vijojnë.
Nga shenjat e gishtave rezulton se ajo është një nënë e re, e foshnjës së gjetur jashtë manastirit, me origjinë nga Afrika, dhe që jetonte në një kamp azilantësh.
Policia ka përjashtuar mundësinë e një aksidenti, pasi duket se duart janë prerë qëllimisht. Po ashtu kanë nisur kërkimet për gjetjen e partnerit të saj dhe babait të fëmijës, por pa lëshuar një urdhër ndalimi për të.
Situata mbetet ende mister, pasi nuk është gjetur asnjë shenjë nga gruaja.