Marrë nga gazeta “Koha Jonë” e datës 06 dhjetor 1998, Përgatiti për Liberale.al, Laert Miraku
Projektligji për taksat. Preken ministrat dhe Presidenti
Ulen pagat e qeveritarëve
Do paguajnë 30 për qind të pagës tatim
TIRANE Kupola e shtetit shumë shpejt do të paguaje 30 për qind të rrogës. Duke filluar që nga ministri, kryeministri, presidenti e të tjerë do të derdhin në xhepat e shtetit të tyre diçka më pak se gjysma e rrogës që ata do të marrin Pikërisht ky është dhe thelbi i projektligjit të përgatitur nga specialistë të ministrisë së Financave që pret së shpejti të marrë viston e Parlamentit shqiptar. Kështu të gjithë ata persona rroga e të cilëve sh kon më shumë se 110 mijë lekë (të reja) do t’i mbahet 30 për qind e rrogës. “Zgjerimi i bazës së tatueshme është edhe qëllimi kryesor i projektligjit të hartuar nga ne thotë një prej specialistëve. Kështu, me miratimin e këtij projektligji, ndoshta duke nisur që prej vitit të ardhshëm ata që do të paguajnë një haraç më të madh do t’i përkasin sferës së lartë të jetës politike dhe ekonomike shqiptare. Duket se akuzat e opozitës se ministrat socialistë menduan vetëm për rrogat e tyre nuk kanë rënë në vesh të shurdhët. Pra, duke nisur që nga 1 janari ministrat aktualë shqiptarë nuk do të quhen më ministrat 1 milionësh. “Në përgjithësi me anë të këtij projektligji, ne nuk synojmë të prekim të ardhurat e shumicës së popullsisë shqiptare” thotë një prej hartuesve të tij. Pothuajse është e pandryshuar për qind ja e tatimit mbi të ardhurat që duhet të paguajë një i punësuar, paga e të cilit nuk e kalon 20 mijë lekëshin. Kështu të gjithë të punësuarve, paga e të cilëve, varion nga 10 mijë lekë (të reja) deri në 20 mijë lekë do t’u mbahet nga paga mujore vetëm 5 për qind të pagës bazë. Të përjashtuar nga ky tatim do të jenë të gjithë ata që nuk mund të marrin më shumë se 10 mijë lekë në muaj. Ndërsa personat të ardhurat mujore të të cilëve lëkunden midis nivelit nga 20 mijë lekë deri në 30 mijë do t’u mbahet 10 për qind e rrogës. Po kështu paga e atyre që varion në kufijtë nga 30 mijë lekë në 50 mijë do të paguajnë 15 për qind të pagës që marrin. Rroga e të gjithë atyre nëpunësve që shkon nga 50 mijë në 80 mijë lekë do t’u duhet të derdhin në buxhetin familjar 20 për qind më pak të të ardhurave të zakon shume. I njëjti fenomen do të ndodh dhe me ata, paga e të cilëve është më shumë se 80 mijë lekë dhe jo më pak se 110 mijë do të paguajnë një tatim mbi të ardhurat personale deri në masën 25 përqind. Dhe për nivel pagash mbi 110 mijë lekë do të mbahet 30 për qind e pagës. Por, në këtë projektligj nuk përjashtohen edhe dividentët, huatë, in teresat, qiratë, dividendët apo edhe të ardhurat që rrjedhin nga fitimi i ortakut. Të gjitha këto do të tatohen në masën 10 për qind. Gjithashtu nuk përjashtohen nga ky 10 për qindësh të ardhurat e përfituara nga e drejta e autorit apo pronësia intelektuale.
E.MYFTARI
