Vizion Plus ka siguruar momentin kur mbeturinat e marketit në katin 0 të pallatit në zonën e “Farmacisë 10” në kryeqytet marrin flakë.
Siç shihet në video, flakët në fillim kanë nisur nga mbeturinat dhe më pas është përhapur dhe në fasadën e pallatit.
Zjarri i përmasave të mëdha shkaktoi panik te banorët dhe dëme të shumta materiale. Këta të fundit thonë se ndihen të pashpresë përballë dëmit që kanë pësuar.
Bëhet me dije se më shumë se 30 apartamente janë shkrumbuar. Flakët u favorizuan edhe nga materialet e jashtme të ndërtimit që rezultuan të dobëta.
