Filmi i ri për jetën e Napoleon Bonapartit, luajtur nga aktori fitues i Çmimit Oscar, Joaquin Phoenix, nxjerr në ditë shumë të vërteta për jetën e perandorit.
Përveçse një gjeneral dhe perandor i madh i Francës, Napoleon Bonaparti kishte një dobësi për gratë. Siç shkruan gazeta britanike “The Sun”, ai e humbi virgjërinë në një bordello me jo një, jo dy, por katër prostituta.
Ky burrë i gjithanshëm kishte dobësi për dashurinë e madhe të jetës së tij, Josephine, e cila ishte gjashtë vjet më e madhe dhe e ve me dy fëmijë. Ai e takoi atë në vitin 1763. Më pas ai kishte Desiree në krah, por ai nuk mund t’i rezistonte sharmit të Josephine.
Kur e veja e re me dy fëmijë takoi Napoleonin, ishte 32 vjeç dhe ai vetëm 26. Një vit më parë ajo kishte humbur burrin e saj, Alexandre de Bernay, i cili ishte dënuar me vdekje me gijotinë. Si e ve, ajo kishte fjetur me shumë politikanë të shquar dhe në atë kohë ishte e dashura e Paul Barras, i cili donte ta afronte me Napoleonin.
Ata u takuan në një festë dhe Napoleoni, pa e pritur, u dashurua kokë e këmbë pas saj. Ajo nuk u dashurua sa e pa, por duke dashur jetën e luksit, pranoi miqësinë e tij dhe u martua me të në kohë rekord.
Thashethemet thonë se ajo filloi të kishte mall për të kur gjenerali francez, i cili duhej ta linte shpejt vetëm pas dasmës, mësoi për pabesinë e saj dhe vendosi ta mbante në distancë. Napoleoni dhe Josephine u divorcuan pesë vjet pasi ajo u bë perandoreshë, sepse ajo nuk mund t’i siguronte trashëgimtarin që ai dëshironte, por ata mbetën miq të mirë, pasi ai nuk pushoi së kujdesuri për të dhe fëmijët e saj.
Filmi i ri për jetën e Bonapartit, i cili do të transferohet në “ekranin e madh” nga regjisori i famshëm britanik Ridley Scott, do të portretizojë një “dashnor, një tiran, një legjendë” , i cili arriti një sërë fitoresh të jashtëzakonshme në të gjithë Evropën dhe më në fund u mposht nga gruaja që donte.
Josephine e tradhtoi atë brenda disa javësh nga martesa e tyre, por Napoleoni refuzoi ta linte atë. Edhe kur i udhëhoqi njerëzit e tij në betejë, epshi i tij për Josephine nuk mund të shuhej. Ai i shkruante “letrat e pista”, madje në një moment i kërkoi që të mos lahej për tre ditë, derisa të kthehej nga beteja.
Në filmin, i cili pritet të dalë pak para fundit të 2023, Vanessa Kirby, e cila luan Josephine, argumenton se ajo ishte fuqia pas fronit francez.
Ndërkohë aktori 49-vjeçar, Joaquin Phoenix në rolin e perandorit, ishte vënë nën kritika pasi u zbulua se ai e goditi në mënyrë spontane Vanessa-n gjatë një skene me çiftin duke u grindur, sepse, siç tha ai, donte ta surprizonte./Liberale.al
