Festa e Festivalit të Pranverës 2025, nga 28 janari deri më 4 shkurt, përjetoi një bum të turizmit dhe konsumit në të gjithë Kinën.
Sipas Ministrisë së Kulturës dhe Turizmit, gjatë festës 8-ditore, u kryen 501 milionë udhëtime të brendshme, 5.9% më shumë nga viti kaluar, me shpenzime totale të brendshme që arritën në 677 miliardë juanë (93 miliardë dollarë), një rritje prej 7% nga viti i kaluar.
Rritja ka të bëjë shumë me faktin se Festivali i Pranverës i këtij viti, ishte i pari që kur festivali u shtua në Listën Përfaqësuese të UNESCO-s të Trashëgimisë Kulturore Jomateriale të Njerëzimit.
Edhe turizmi kulturor pati një lulëzim. Ethet e udhëtimit në muze tërhoqën shumë pushues për të vizituar muze si Muzeu i Pallatit në Pekin, Muzeu Historik Shaanxi në qytetin antik të Xi’an në provincën Shaanxi dhe Muzeu Sanxingdui në qytetin Guanghan, Provinca Sichuan.
Turizmi dimëror mbeti një trend i nxehtë. Vendpushimet e skive në rajone si Yabuli në Kinën verilindore dhe Altay në Kinën veriperëndimore përjetuan një numër të lartë vizitorësh. Ndërkohë, destinacionet më të ngrohta në Kinën jugore, si provincat Hainan, Guangxi dhe Yunnan, panë një rritje të turizmit, pasi shumë kërkuan t’i shpëtonin motit të ftohtë të Kinës veriore.
Turizmi ndërkufitar gjithashtu pati rritje, me 14.37 milionë udhëtime ndërkombëtare të regjistruara gjatë festës, duke shënuar një rritje prej 6.3% nga viti i kaluar, sipas Administratës Kombëtare të Emigracionit (NIA).
Nga këto, 7.67 milionë janë bërë nga banorët kontinentalë kinezë. Ndërkohë, sipas NIA, afro 5.74 milionë erdhën nga Hong Kongu, Makao dhe Tajvani, duke reflektuar një rritje përkatësisht 5% dhe 5.6.
Turistët ndërkombëtarë ishin gjithashtu të prirur të eksploronin Kinën. 958.000 të huaj bënë udhëtime ndërkufitare gjatë festës, një rritje prej 22.9% krahasuar me vitin e kaluar, tha NIA.