Presidenti amerikan, Donald Trump, duke folur nga Shtëpia e Bardhë paralajmëron se ky është ‘shansi i fundit’ për Iranin për të nënshkruar një ‘dokument të mirë’
Teksa nënshkroi një urdhër ekzekutiv në lidhje me mbështetjen e familjeve ushtarake, Trump tha se bisedimet po zhvillohen tani dhe do të avancojnë shpejt, në një mënyrë ose në një tjetër.
Ai u tha gazetarëve se SHBA-të do ta godisnin Iranin më fort se çdo sulm që nga Lufta e Dytë Botërore përpara se ai t’i anulonte sulmet mbrëmë.
“Ky është shansi i fundit që ata të nënshkruajnë një dokument të mirë”, tha Trump.
Trump tha më tej se Irani nuk do të vendosë asnjë tarifë në Ngushticën e Hormuzit, diçka që është përpjekur ta bëjë edhe më parë.
“Nëse dikush do të sulmojë, ne do ta sulmojmë. Ne kemi kontroll të plotë. Kemi një gjë të quajtur bllokadë… muri prej çeliku i Shteteve të Bashkuara… Nuk do të ketë sulme; nuk po flasim fare për sulme”, tha Trump.
“Nuk e di, nuk e di, mendoj se mund të arrijmë diçka. Dua t’u jap çdo shans para prerjes së kokës… Jam shumë krenar për faktin që do t’u jap njerëzve një shans”, tha ai.
Presidenti amerikan ka shprehur vazhdimisht zhgënjimin e tij sot, pasi Irani kundërshtoi pretendimin e tij se bisedimet ishin duke vazhduar dhe se ishte arritur një marrëveshje midis të dyja palëve për të rihapur Ngushticën e Hormuzit, me bisedime të mëtejshme që do të zhvillohen rreth programit bërthamor të Iranit.
Ministria e Jashtme e Iranit mohoi se ishte në bisedime me SHBA-në, diçka që shkaktoi zemërimin e Trump, i cili e quajti udhëheqjen e Teheranit dyfytyrëshe.