Deklaratat nga zyrtarë të lartë iranianë e bëjnë të qartë se mbyllja e ngushticës është një opsion real. Deputeti dhe komandant i Gardës Revolucionare, Esmaeil Kosari, deklaroi:
“Mbyllja e Hormuzit është në axhendën tonë dhe do të ndodhë kur të jetë e nevojshme.”
Ky zhvillim vjen vetëm pak orë pas sulmeve ajrore të SHBA ndaj objekteve bërthamore iraniane, duke zhvendosur krizën nga përplasjet ushtarake në një përballje ekonomike.
Ngushtica e Hormuzit, që lidh Gjirin Persik me Detin Arabik, përpunon rreth 20% të tregtisë globale të energjisë dhe është kanal kritik për eksportet e naftës nga Arabia Saudite, Irani, Emiratet dhe Iraku.
Autoritetet detare perëndimore janë tashmë në gjendje alarmi. UK Maritime Trade Operations (UKMTO) – dega e Marinës Mbretërore Britanike për sigurinë e anijeve tregtare – paralajmëroi për rrezik të lartë ndaj anijeve perëndimore në Detin e Kuq dhe Gjirin e Adenit.
Ekspertët paralajmërojnë se, nëse Irani mbyll realisht ngushticën, çmimet ndërkombëtare të naftës dhe gazit mund të pësojnë rritje të menjëhershme, me pasoja të mëdha ekonomike dhe gjeopolitike në mbarë globin.