Policia thotë se 11 persona janë vrarë nga të shtënat në një qendër arsimore në Suedinë qendrore, duke përfshirë edhe të dyshuarin e armatosur.
Sipas mediave të huaja, kryeministri Ulf Kristersson e përshkroi sulmin e së martës në shkollën Risbergska në Orebro, 200 km (124 milje) në perëndim të kryeqytetit Stokholm, si “të shtënat masive më të këqija në historinë suedeze”.
Policia tha se i dyshuari është në mesin e të vdekurve dhe besohet se ka vepruar i vetëm. Ata shtuan se motivi ishte ende i paqartë, por përjashtuan çdo gjë “ideologjike”.
“Është e vështirë të merren parasysh përmasat e asaj që ka ndodhur sot”, tha Kristersson në një konferencë shtypi në mbrëmje.
Policia më herët paralajmëroi se numri i të vdekurve mund të vazhdojë të rritet pasi disa persona ishin plagosur.
Në një deklaratë të mëngjesit të së mërkurës, policia tha se numri i të plagosurve mbetet i paqartë.
Policia dëgjoi raportet për një të shtëna që po ndodhnin në shkollën Risbergska, një qendër edukimi për të rriturit, në orën 12:33 me kohën lokale (11:44 GMT). Objekti ndodhet në një kampus që është shtëpia e shkollave të tjera.
Këto qendra frekuentohen kryesisht nga persona që nuk kanë mbaruar shkollën fillore apo të mesme.
Më parë, nxënësit e disa shkollave aty pranë po mbaheshin brenda “për qëllime sigurie”.