Juristja Brizida Gjikondi komentoi protestën e opozitës të mbajtur më 28 shkurt, ku edhe u sulmua Vila e ish-diktatorit Enver Hoxha, me molotovë.
Gjikondi tha se sulmi ndaj vilës nuk është bërë për arsye historike, por për të goditur kryeministrin Edi Rama fizikisht, pasi u mendua se në godinë ndodhej kryeministri.
“Nuk është një protestë reale, por një protestë e stisur. Edhe pse Berisha sot kur doli nga SPAK tha se nuk janë molotovë, por vetëm mjete piroteknike. PD i ka të gjitha strukturat dhe mjetet për të treguar të gjitha problematikat, nuk ka pse të ndjekë rrugën e dhunës. Pra nuk ka nevojë të përdorë një rrugë të dhunshme që më shumë e ndihmon pushtetin e Ramës se sa e dëmton.”, tha ajo.
Gjithashtu ajo theksoi se Berisha në protestat e tij ka pasur të njëjtin skenar dhe se tashmë mbështetësit kanë humbur besimin ndaj kreut të PD.
Sa i përket përdorimit të të miturve në protesta, juristja Gjikondi tha se duket të ketë edhe reagim nga institucionet.
“Me sulmin te ish vila në Bllok i vendosi vetes një damkë. Ai tha se na erdhi informacion se aty ishte Rama dhe ndaj e sulmuam. Pra ti kundërshtarin tani synon ta sulmosh fizikisht dhe kjo është makabër. Të mendosh që ekzekutimi fizik i kundërshtarit të jep kuota, tregon që ke vizion shtazarak. Ai sulm ishte skaneri më i qartë i Berishës. Berisha e sulmoi se mendonte se aty ishte Edi Rama, nuk e sulmoi fare për simbolikën. Gjykata duhet të ketë masa më shtrënguese, por edhe prindërit duhet të jenë më të përgjegjshëm për të miturit.
