Politika shqiptare e trajton emrin me kujdes ndërpartiak.Mediat në Tiranë kujtojnë se Shehu ka shërbyer në Gardën e Republikës gjatë presidencës së Berishës dhe se trualli është grumbulluar gjatë viteve të qeverive demokratike; por projekti është miratuar nga qeveria aktuale e Edi Ramës, dorëheqja e së cilës kërkohet në protestat që vazhdojnë prej muajsh.Opozita sulmon resortin, por për emrin Shehu, Berisha mbetet dukshëm i heshtur.
Një urdhër arresti për pastrim parash dhe trafik kokaine, i lëshuar në një vend kandidat për anëtarësim në BE dhe një pronë me vlerë miliona dollarë në Miami Beach, në Gjirin Biscayne. Artur Shehu, jeton që prej qershorit me të dyja këto realitete. Askush në anën tjetër të Atlantikut nuk duket se po nxiton t’i lidhë të dyja bashkë.
Për bashkë të akuzuarin e tij vlejtën afate të tjera. Më 30 korrik, Gjykata e Apelit në Selanik miratoi ekstradimin e Ilir Shtufit, ndërtues kullash në Tiranë. Ai ishte arrestuar në qershor, pas një sinjalizimi nga Interpoli, në një hotel të qytetit grek. Shtufi, të cilin mediat shqiptare e lidhin me djalin e liderit të opozitës Sali Berisha, u mbrojt duke thënë se po përndiqet politikisht. Ai do të jetë i akuzuari i parë në dosjen “Aruba” që do t’i dorëzohet nga jashtë Prokurorisë së Posaçme shqiptare SPAK. Nga 20 urdhër-arrestet e saj, deri tani janë ekzekutuar gjashtë.
Pra, kush është Shehu, rreth të cilit sillet dosja? Një sipërmarrës që, sipas investigimeve të Miami New Times dhe rrjetit OCCRP, për vite me radhë bleu nga Florida toka bregdetare në atdheun e tij të vjetër. Avokati i tij e rrëfen kështu historinë e mëparshme: në vitin 1998, Shehu kishte kërkuar azil politik në SHBA, pasi “banda kriminale” i kishin vrarë para syve vëllanë dhe xhaxhain. Ai nuk është dënuar asnjëherë. Por që në vitin 2013, siç tregojnë dokumentet gjyqësore të shqyrtuara nga CBS Neës, banorët e Zvërnecit ia kundërshtonin pronësinë mbi truallin, laguna është habitat i dhjetëra specieve të rrezikuara të kafshëve.
Dosja hetimore prej 200 faqesh, e datës 12 qershor dhe e shqyrtuar nga Reuters, jep përgjigjen e hetuesve. SPAK akuzon Shehun dhe partnerët e tij se kanë transportuar kokainë nga Amerika e Jugut drejt porteve evropiane dhe se fitimet i kanë investuar në një perandori pronash: blerje trualli me mjete të paligjshme dhe dokumente të falsifikuara pronësie, duke “krijuar tituj të rremë pronësie ose duke zmadhuar artificialisht sipërfaqet”. Hetimet janë rezultat i përgjimeve të kryera në kuadër të luftës kundër trafikut të drogës.
Në prill, Shehu ia shiti truallin bregdetar “Albania Land Development”, kompanisë që qëndron pas projektit të Kushnerit. Të ardhurat, 110 milionë euro sipas dokumenteve të shqyrtuara nga Reuters, u ngrinë në llogarinë e noteres përpara se paratë të mund të mbërrinin tek ai. Dosja nuk përmban akuza ndaj Kushnerit, kompanive të projektit apo investitorëve. Kompania partnere shqiptare e Kushnerit, Sazan Real Estate Development, deklaroi për Neësëeek se “nuk është objekt i asnjë hetimi” dhe se blerjet e tokave janë kryer në mënyrë të ligjshme.
Mbrojtja hedh poshtë gjithçka. “Asgjë nga ato që janë pretenduar për karakterin e zotit Shehu nuk është e vërtetë: ai nuk është as trafikant droge dhe as falsifikues dokumentesh”, deklaroi avokati Kujtim Cakrani për Reuters. Familja e zotëron tokën që nga koha osmane dhe shitja ka qenë e ligjshme. Vetë Shehu e quajti pronësinë e tij “të padiskutueshme” në një emision televiziv shqiptar. Ai tha se e kishte shitur përmes një ndërmjetësi; se kush e kishte blerë përfundimisht tokën, nuk e dinte. Një duzinë banorësh të Zvërnecit i paraqitën Reuters titujt e tyre të pronësisë dhe dokumentet tatimore; përfaqësuesi i tyre ligjor synon të kërkojë në gjykatë ndalimin e punimeve.
Këtu historia pushon së qeni thjesht një çështje shqiptare. Cakrani konfirmoi se klienti i tij është në dijeni të urdhër-arrestit dhe nuk është i shqetësuar për të. Në përgjigje të një kërkese nga Reuters, një zëdhënës i Departamentit amerikan të Drejtësisë refuzoi të jepte informacion nëse nga Tirana kishte mbërritur ndonjëherë një kërkesë për të lokalizuar ose ndaluar Shehun në Miami. Rezultati është një standard i dyfishtë: Greqia ekstradon një bashkë të akuzuar brenda shtatë javësh. SHBA-ja, ku jeton i akuzuari kryesor dhe ku dhëndri i presidentit promovon projektin, nuk është e detyruar as të përgjigjet.
Politika shqiptare e trajton emrin me kujdes ndërpartiak. Mediat në Tiranë kujtojnë se Shehu ka shërbyer në Gardën e Republikës gjatë presidencës së Berishës dhe se trualli është grumbulluar gjatë viteve të qeverive demokratike; por projekti është miratuar nga qeveria aktuale e Edi Ramës, dorëheqja e së cilës kërkohet në protestat që vazhdojnë prej muajsh. Opozita sulmon resortin, por për emrin Shehu, Berisha mbetet dukshëm i heshtur. Në Tiranë po përgatitet marrja e parë në pyetje. Burri në Miami, për momentin, nuk ka arsye të nxitojë./ Përshtati “Pamfleti”, nga “Junge welt”
