Ekipi i 42-të i ekspeditës kineze në Antarktik ka përfunduar së fundmi një këmbim personeli dhe rifurnizim logjistike në stacionin “Qinling”.
Stacioni kinez “Qinling” në Antarktidë vazhdon të funksionojë në mënyrë të qëndrueshme, me sistemet kyçe të zhvilluara në mënyrë të pavarur nga Kina që punojnë mirë në kushte ekstreme.
Që prej fillimit nga funksionimi më 7 shkurt 2024, ky stacion ka përballuar kushte të ashpra, si të ftohtit ekstrem, erërat e forta dhe stuhitë e dëborës. Funksionimi i qëndrueshëm i sistemeve të tij themelore, duke përfshirë përdorimin e ujit të detit, prodhimin e energjisë së përtëritshme dhe trajtimin e ujërave të zeza, ka siguruar punën e qëndrueshme e të vazhdueshme të stacionit.
Deri më tani, anëtarët e ekipit të kalimit të dimrit nga ekspedita e 41-të në Antarktik e Kinës kanë punuar në stacionin “Qinling” për më shumë se 14 muaj.
Përveç sistemit të shkripëzimit të ujit të detit, stacioni është i pajisur me sisteme prodhimi të energjisë fotovoltaike, me erë dhe me hidrogjen. Elektriciteti i prodhuar nga këto tre sisteme me energji të përtëritshme përbën më shumë se 60 për qind të konsumit të përgjithshëm të energjisë në stacionin “Qinling”.
Shtimi i shfrytëzimit në Antarktidë të pajisjeve të prodhuara në mënyrë të pavarur thekson aftësitë në rritje të Kinës në kërkimin, zhvillimin dhe përdorimin e pajisjeve shkencore polare.