Ish-ministri i Shëndetësisë, Ilir Beqaj jep dorëheqjen nga detyra e drejtorit për Agjencisë Shtetërore të Programimit Strategjik dhe Koordinimit të Ndihmës (SASPAC).
Ky vendim vjen pas informimit të tij mbi masën e re të detyrimit të paraqitjes dhe ndalimit të udhëtimit jashtë vendit, si person nën hetim nga Prokuroria e Posaçme.
Kujtojmë se Beqaj u emërua në krye të këtij posti në 2021-n, duke zëvendësuar Romina Kukon, e cila ishte pjesë e përbërjes së grupit negociator për negociatat e aderimit të Shqipërisë në Bashkimin Evropian.
