Komandantë rusë dyshohet se kërcënojnë ushtarët e tyre dhe i detyrojnë të marrin pjesë në sulme, sipas komunikimeve ushtarake të përgjuara dhe të publikuara nga media gjermane WELT.
Regjistrimet, të siguruara nga ushtria ukrainase, përmbajnë komunikime ku komandantët përdorin kërcënime të rënda ndaj trupave që refuzojnë të sulmojnë.
“Nëse ju kopilë nuk më përgjigjeni tani, do të hap zjarr mbi ju me një tank”, dëgjohet të thotë një komandant në një prej regjistrimeve.
Në një tjetër komunikim, një komandant kërcënon ushtarët se nuk do të lejohen të largohen nga zona e luftimeve pa marrë më parë vendbanimin që u është caktuar si objektiv.
“Betohem, asnjëri prej jush nuk do të kthehet derisa ta merrni këtë vendbanim. Askush”, thuhet në regjistrim.
Në një tjetër komunikim, një komandant kërcënon ushtarët se nuk do të lejohen të largohen nga zona e luftimeve pa marrë më parë vendbanimin që u është caktuar si objektiv.
“Betohem, asnjëri prej jush nuk do të kthehet derisa ta merrni këtë vendbanim. Askush”, thuhet në regjistrim.
Sipas pretendimeve të trupave ukrainase, ushtarët rusë përballen edhe me rrezikun e ekzekutimit nga forcat e tyre nëse tentojnë të tërhiqen nga pozicionet e luftimit. Raportime të ngjashme për përdorimin e njësive që pengojnë tërheqjen e trupave ruse janë bërë edhe më herët gjatë luftës.
Në komunikime të tjera të përgjuara, ushtarët rusë ankohen për mungesë të ushqimit dhe ujit. Njëri prej tyre pretendohet se thotë se u është dashur të pinë urinën e tyre për të përballuar mungesën e ujit.
Ndërkohë, një oficer i inteligjencës ukrainase pretendon se në disa raste ushtarët rusë kanë diskutuar edhe mundësinë e ngrënies së maceve për shkak të mungesës së ushqimit.