Kjo është pyetja ekzistenciale që ndjek sjelljen e Elisa Spiropali kohët e fundit.
Një emër i përfolur nga dita e parë e ardhjes së PS në pushtet, si shefja e traut të doganës ku thuhet se vodhi më shumë se 150 milionë euro, te ujësjellësi i 14 fshatrave në Ersekë që nuk u shkoi kurrë uji, por lekët i mori burri i deputetes së zonës, Elisës, dhe kusuret po i paguan Erion Isai.
Toka të plaçkitura nga fshatarët e zonave dhe të marra me shkelje të ligjit, me firma të pushtetit vendor, ku zonja Elisa ushtronte presionin e pushtetit që sot ankohet se po e persekuton. Leje e licenca të marra për Salarionin, kunatën, vëllain e soj e sorrollop ndër vite dhe sot lëshon piskama virgjërie, që, me thënë të drejtën, i kuptojnë të gjithë që janë piskama frike, frikë që thotë se s’ka, por ndërkohë duket se frika është këshilltari më i keq që ka.
Një qenie politike false, si ato mallrat që porosit online dhe të vijnë tjetër për tjetër, një qenie e zhytur në korrupsion e favore me fare e fis, por që çirret për drejtësi e për Partinë Socialiste, ku faktikisht gjithmonë ka qenë aty një mish i huaj.
Frekuenca e statuseve publike të Elisa Spiropali po shtohet dhe patjetër do të kulmojë në ndonjë intervistë alla Ben Ahmetaj, pasi është e qartë se atë trajektore do të ndjekë edhe ky yll politik i mbetur në tentativë.
Por ky është halli më i vogël që Elisa ka, pasi dosjet e korrupsionit me tendera, toka, klinika botoksi e prona të tjera të fituara “me djersë”, po ia prishin gjumin…
