Eksperti in kriminalistikës, Ervin Karamuço në emisionin “Real Story” në ABC News tha se Policia e Shtetit ka bërë një përparim të dukshëm në luftimin e krimit në Republikën e Shqipërisë, sidomos gjatë viteve të fundit.
Karamuço tha se në Shqipëri është ulur niveli i krimit dhe numri i vrasjeve. Ai shtoi se për gati 50 ditë në Republikën Shqipërisë nuk është regjistruar asnjë vrasje, sipas tij ky është një rekord, që nuk është arritur nga asnjë vend tjetër i rajonit.
“Rrjete e madhe e SPAK ka pasur edhe drejtues të nivele të drejtuesve të lartë të shtetit, që e kanë përdorur madje nëpërmjet tyre kanë dalë edhe shumë gjëra. Ne i kemi folur, imagjinuar, por që tashmë janë vërtetuar, disa janë ende në hetim edhe disa po gjykohen e kështu me radhë. Tani sa i takon policisë unë disa herë e kam ,mbrojtur, kur ka qenë për të mbrojtur dhe disa herë e kam kritikuar kur ka qenë për t’u kritikuar.
Por, aktualisht si performancë mua më duket shumë në rregull krahasuar me periudhat më parë, me periudhën e një viti më parë dhe me periudhën e një viti më parë. Policia ka një rregullim. Ne i shikojmë tek shifrat e vrasjeve që janë ulur. Kemi qenë të 3 ose 4 në indeksin evropian për kriminalitetin, kurse tani jemi të 7. Por, tani kemi kapur një rekord, kemi kaluar 50 ditë pa asnjë vrasje në Republikën e Shqipërisë që nuk ndodh në të gjithë rajonin, që të mos ketë 50 ditë asnjë vrasje. Kurse drejtori i Policisë së Shtetit që u kritikua sot nga Berisha, dje në Elbasan ka pasur zero vrasje. Pra këto janë shifra që tregojnë se ka një ndryshim”, tha Karamuço.