Gjatë fjalës së tij, Rama u shpreh se Shqipëria sot nuk mund të krahasohet me atë të viteve më parë. Kryeministri nënvizoi se është punuar për një shtet të së drejtës dhe se gjithashtu reforma në drejtësisë ka dhënë rezultatet e saj duke mos kursyer të korruptuarit.
“Dua të them që kemi kaluar në një reformë të jashtëzakonshme drejtësie. Reforma largoi prokurorë dhe gjyqtarë të korruptuar. Tashmë gjyqësori nuk është më në duart e politikës. Çfarë plani B ka Shqipëria? Unë përgjigjem bindshëm se nuk ka plan B për ne. Të kemi një plan B kundrejt BE-së është të kemi plan B përkundrejt lirisë, shtetit të së drejtës. Ju keni më shumë se mjaftueshëm që keni Spanjën. Ne duam gjithmonë e më tepër si ju dhe me ju”, tha ai.
Gjithashtu Rama u ndal edhe tek turizmi duke shtuar se Shqipëria po i afrohet Champions League sa i takon turizmit.
Kreu i qeverisë u shpreh se “jo në nivelin e Real Madrid siç është Spanja, por jemi Girona e re e Evropës”. Ndërsa theksoi se “ma ha mendja se nuk është keq”.
“Po i afrohemi Champions League të turizmit, jo në nivelin e Real Madrid siç është Spanja, por jemi Girona e re e Evropës kur vjen fjala për turizmit dhe ma ha mendja se nuk është keq”, tha Rama, duke shtuar: “Shpresoj që të kemi më shumë marka spanjolle dhe kompani spanjolle që të vijnë tek ne edhe pse kemi shumë turistë spanjollë”