Një video e publikuar nga ushtria Izraelite më 17 shtator ka bërë xhiron e rrjetit, duke treguar fëmijë që vrapojnë për të mbledhur fletushkat e evakuimit që u hodhën mbi qytetin e Gazës.
Fletushkat paralajmëronin banorët që të lëviznin drejt jugut të Rripit të Gazës, ndërsa ushtria izraelite njoftoi hapjen e një rruge shtesë për 48 orë, që palestinezët të mund të largoheshin nga qyteti në përpjekje për të zbrazur zonën nga civilët.
Videoja është bërë virale për shkak të tensionit dhe kontrastit dramatik, fëmijët vrapojnë për të kapur fletushkat me shpejtësi, pa e ditur as se çfarë shkruhet në to, si më poshtë:
Qindra mijëra banorë të tjerë mbeten të strehuar brenda qytetit, të shqetësuar për rreziqet gjatë rrugës, kushtet e rënda në jug dhe mungesën e ushqimit.
Shumë nga banorët kanë treguar se nuk ndihen të sigurt të ndjekin urdhrat e Izraelit për zhvendosje, për shkak të frikës nga dëmtimi apo humbja e përhershme e shtëpive dhe pronave.
Ky moment viral tregon jo vetëm dramatikën e situatës humanitare, por edhe ndikimin psikologjik që përjetojnë civilët, veçanërisht fëmijët, në këtë luftë që ka marrë trajtën e gjenocidit.
