Shtetet e Bashkuara dhe vendet arabe të Gjirit po hartojnë një rezolutë të re të Këshillit të Sigurimit të Kombeve të Bashkuara që dënon Iranin për bllokimin e Ngushticës së Hormuzit si përgjigje ndaj sulmeve amerikano-izraelite.
Ambasadori i SHBA-së në OKB, Mike Waltz, ka konfirmuar se negociatat për këtë rezolutë do të zhvillohen gjatë kësaj jave.
Kjo iniciativë vjen pasi Rusia dhe Kina – anëtare të përhershme të Këshillit të Sigurimit – bllokuan muajin e kaluar një rezolutë të ngjashme të propozuar nga Washingtoni, e cila synonte të inkurajonte përpjekje ndërkombëtare për rivendosjen e lirisë së navigacionit në këtë rrugë ujore strategjike.
Rezoluta e re pritet të kërkojë nga Irani që të ndalojë menjëherë sulmet ndaj anijeve dhe përpjekjet për të vendosur taksa (tolls) mbi transportin detar në ngushticë.
Po ashtu, ajo do të kërkojë që Teherani të ndalojë vendosjen e minave detare dhe të zbulojë vendndodhjen e tyre
Sipas Waltz, draft-rezoluta është “shumë më e përqendruar te minimi i rrugëve ndërkombëtare ujore dhe te vendosja e taksave, gjë që prek ekonomitë e të gjithë botës, veçanërisht ato në Azi”.
Ngushtica e Hormuzit është një nga arteriet më të rëndësishme të transportit të naftës në botë. Çdo tension ose bllokim në këtë zonë ka pasoja të menjëhershme për tregjet globale të energjisë.
