Sali Berisha ka pranuar se janë hedhur miliona në prapaskenë për vizitën e tij në SHBA.
Kreu i PD doli sot në “Opinion” për të shitur si arritje të madhe vizitën, por njëherësh pranoi se e gjithë kjo u arrit falë lobimeve të shumta.
Ai këmbënguli se lobimi për çështjen e tij nuk është kryer nga kompania e Chris LaCivita, por nga Continental.
“Nuk ka lobuar LaCivita. Ka lobuar Continental”, tha ai, duke u ndalur më pas edhe te mënyra se si është përzgjedhur kompania amerikane.
Sipas Berishës, Continental kishte paraqitur “çmimin më të ulët”, ndërsa pagesat nuk janë kryer prej tij personalisht apo drejtpërdrejt nga Partia Demokratike, por nga një fondacion i krijuar për të mbështetur PD-në.
Berisha e ka pranuar edhe më herët drejtpërdrejt se lobimi amerikan ishte përdorur për çështjen e tij.
“A kanë lobuar për Sali Berishën? Po, kanë lobuar, pa diskutim. Procedura është lobim”, ka deklaruar ai.
