Kreu i grupit parlamentar të Partisë Socialiste, Bledi Çuçi e ka cilësuar si një “revolucion të karrigeve” rrëmujën dhe kaosin e shkaktuar nga Rithemelimit dhe grupi i Bardhit në Kuvend.
Lidhur me miratimin e buxhetit për vitin 2024 në një seancë e cila zgjati vetëm 8 minuta, Çuçi tha se detajet mbi buxhetin janë diskutuar në komisione dhe me grupet e interesit.
“Revolucioni i karrigeve, e patë ju seancën e rradhës. Është kthyer komplet në qesharake kjo histori. Buxheti nuk është miratuar në 8 minuta por pas një diskutimi shumë të gjatë që ka pasur në komisione. Ne nuk i merrnim dot me zor që të hynin në komisione.
Janë konsultuar me të gjitha grupet e interesit, mbledhjet kanë qenë të hapura. Diskutimet kanë qenë shteruese. Aty debatohet, aty hidhen alternativat. Seancat plenare bëhen për të miratuar. P a diskutim që ka një anomali të shkaktuar nga opozita”- u shpreh Çuçi.
