Dy vjet pas tronditjes së bujshme në Netflix, “Squid Game” rikthehet. Deri më sot, seriali imagjinar nga Koreja mban rekordin e serialit më të shikuar në shërbimin e transmetimit.
Por në vend të një sezoni të dytë, prodhimi i ri është një variant reality show. Por sa horror dhe vdekjeprurës është versioni i vërtetë? Zbulimet rreth prodhimit dolën në dritë paraprakisht, gjë që solli kritika masive në Netflix. “Variety” raportoi për kushtet çnjerëzore që ekzistonin në sheshin e xhirimit.
“Squid Game: The Challenge” (titulli i reality show-t) sigurisht që nuk i kushtoi jetën asnjë prej 456 pjesëmarrësve, por ama nuk munguan raportet për kushtet e vështira të prodhimit.
“Sun” citoi pjesëmarrësit që ishin eliminuar, të cilët bënin akuza të rënda kundër produksionit, duke thënë se ishte “si një zonë lufte”. Thuhet se njerëzit ishin në lot. Netflix mohoi akuzat dhe iu referua konceptit të sigurisë dhe standardeve në set.
https://www.youtube.com/watch?v=O61C8zc8Znk
Lojërat në reality show
Shuma që mund të fitohet në fund është fillimisht dukshëm më e vogël se në origjinal. Në atë kohë ishte mbi 30 milionë euro, për “The Challenge” ishte vetëm 4.56 milionë dollarë. Të paktën kur bëhet fjalë për paratë, Netflix nuk ishte shumë besnik ndaj origjinalit.
Një nga lojërat “Red Light, Green Light”, e njohur nga seriali, ishte e përshtatur edhe në transmetimin e reality show. Qëllimi është të arrihet një kukull gjigante sa më shpejt të jetë e mundur. Por vetëm për aq kohë sa ju lejohet të lëvizni. Nëse kukulla kthehet, të gjithë lojtarët duhet të qëndrojnë pothuajse të ngrirë në vend. Lëvizja më e vogël të çon drejt eleminimit.
Sipas një raporti të “Variety”, loja u zhvillua në një hangar aeroporti afër Bedford (midis Londrës dhe Birminghamit) në temperatura rreth minus 10 gradë! Një nga pjesëmarrësit tregoi: “Po të na kishin thënë se do të ishte kaq ftohtë, askush nuk do të kishte marrë pjesë.”
Kjo është veçanërisht problematike sepse nuk ju lejohet të lëvizni në këtë lojë dhe duhet të qëndroni në të ftohtë për disa minuta. Kandidatë të shumtë thuhet se janë rrëzuar gjatë ndeshjes për shkak të temperaturave, gjë që do të thoshte se mjekët e ndihmës mjekësore u thirrën vazhdimisht. Sipas “Sun”, çdo pjesëmarrës ishte i pajisur vetëm me pantallona termale, dy çorape, një këmishë, atlete dhe tuta jeshile. Me sa duket nuk u panë ngrohëse.
Loja “Dalgona” nga seria gjithashtu u fut në versionin real, sfida në të cilën pjesëmarrësit duhet të presin me gjilpërë modele në biskota të vogla, pa i dëmtuar ato. Po ashtu thuhet se prodhuesit kanë futur edhe disa nga lojërat shumë të rrezikshme që kanë qenë në serial.
Sfida krejtësisht të reja që shikuesit nuk i kanë parë kurrë më parë mund të shihen edhe në trailerin e reality show-t. Emocionuese apo pa shije? Gjithçka mbetet të shihet më 22 nëntor, kur nis edhe transmetimi i pjesës së parë./Liberale.al
