Gazetari Andi Bushati ka analizuar zhvillimet e 54 ditëve të protestës së qytetarëve, duke argumentuar se lëvizja ka prodhuar ndryshime të rëndësishme në perceptimin publik ndaj qeverisë dhe kryeministrit Edi Rama.
Bushati u shpreh se protestat kanë treguar se ekziston një numër i madh qytetarësh që kërkojnë më shumë të drejta, liri dhe barazi, duke kundërshtuar, sipas tij, narrativën e ndërtuar nga kryeministri.
Sipas Bushatit, protestat kanë dëmtuar edhe imazhin politik të Edi Ramës, i cili, sipas tij, tashmë përballet drejtpërdrejt me qytetarët protestues. Ai kritikoi retorikën e kryeministrit dhe mënyrën se si janë trajtuar protestat, duke pretenduar se raportimet e mediave ndërkombëtare si BBC, CNN, The Guardian dhe Le Monde paraqesin një panoramë të ndryshme nga ajo e qeverisë.
Bushati kritikoi gjithashtu përdorimin e forcës nga policia ndaj protestuesve, duke e cilësuar reagimin e autoriteteve si joproporcional. Sipas tij, përdorimi i shkopinjve të gomës, gazit dhe mjeteve të tjera të ndërhyrjes ndaj protestuesve tregon se vendi ndodhet përballë një shteti autoritar.
“Këto dy muaj na surprizuan të gjithëve, me faktin e efektit surprizë që krijuan. Kam qenë nga ata që isha i bindur se vegjetojmë në autokraci. Tregoi se ka një masë të madhe njerëzish, ndryshe nga çfarë thoshte Rama nuk ju ngrefet, tregoi se duan të drejta, liri , baraza. Efekti i dytë, ishte që në një mënyrë shumë të habitshme, e plaku e zvogëloi, karikaturizoi fytyrën e këtij pushteti, që është Edi Rama. Rama krahasohej deri dje me Berishën, sot krahasohet me qytetarët. Shikoni fjalorin, lëvizjet, dhunën, duket më keq se lidërt e byrosë në 90-tën. Mund të qëndrojë në karrige, por është lider pa diskurs. Një njeri që gjen agjentë nga Irani, Rusia, etj. Ndërkohë BBC, CNN, The Guardian, Le Monde, tregojnë histori tjetër.
E treta, e plaku edhe ia humbi totalisht besueshmërinë, një lloj kaste intelektualo-mediatike që qëndronte rreth Ramës. Ata që e mbronin, e mbronin që ne nuk duam Saliun. Pra Rama është i keq, por përballë Saliut është më i pranueshëm. Sot kur të gjithë këto skalione mediatike të paguara nga Belinda te inceneratorët, treguan se janë kundër protestës, u zverdhën në sytë e publikut si ushtarë të Ramës. Kjo protestë tregoi se jemi përballë një autokracie të dhunshme. Kur shalonin në drru protestat e Bashës, ata te 5 maji, ata të unazës së re, thoshin opozitë e vjetër, zaptues pronash. Por kur ushtrojnë dhunë ndaj disa të rinjve që godasin me vezë, maksimumi shoferët do të lanin makinat e deputetëve. Të tregosh shkop gome, ti tërheqësh njerëzit zvarrë, me spraj dhe gaz, vetëm se kanë ndotur një makinë ministri, e kuptoni përballë ç’shtet autoritar dhe të dhunshëm jeni.
