Kriza e supozuar mes Fedez dhe Chiara Ferragni është lajmi më i përfolur i orëve të fundit. Thashethemet për fundin e familjes Ferragnez, të cilat asnjëri prej tyre nuk i ka mohuar deri më tani, u kthyen në lajmin e ditës brenda pak minutash.
Paraqitja e parë e Fedez në lidhje me situatën ishte në emisionin e sotëm italian “Pomeriggio Cinque”, me moderatorin Myrta Merlino. I përgjuar jashtë shtëpisë së tij para se të nisej me makinë, Fedez foli me korrespondentin e programit Canale 5.
“Jam mirë, faleminderit”, tha ai, duke lënë të kuptohet se nuk donte të komentonte: “Edhe çfarë nëse po flitet për ndarje? A ka kuptim që të vij dhe t’ju tregoj për problemet e jetës sime? Sipas jush, a dua të luaj me ndjenjat e fëmijëve të mi?”, e pyeti Fedez gazetarin.
Më pas ai shtoi:
“Kushdo mund të flasë çfarë të dojë, nuk më intereson, unë kam prioritete të tjera dhe ato janë fëmijët e mi. Unë e pranoj faktin që njerëzit nxjerrin konkluzione për historinë time sepse unë jam personazh publik, por nuk nuk di si të përgjigjem”.
Në fund, gazetari e pyeti Fedez nëse kishte ndërmend të shkonte në sfilatën e Donatella Versace në Javën e Modës në Milano:
“Do të shkoj në sfilatën e Donatella Versace këtë pasdite, sepse ajo është një mikesha ime dhe është shumë e lidhur me mua.”
“La priorità per me sono i miei figli”
In esclusiva a #Pomeriggio5 l’intervista a #Fedez pic.twitter.com/McUvNShgKM
— Pomeriggio 5 (@pomeriggio5) February 23, 2024
Mediat italiane shkruajnë edhe mbi fjalët e mamasë së Fedez mbi situatën:
“Për momentin nuk kam dëshirë të them asgjë, edhe sepse nuk jam interesuar drejtpërdrejt, ndaj nuk mendoj se është as korrekte ta ekspozoj”.