Një pikturë me tematikë shqiptare nga mbesa e Napoleon Bonapartit.
“Jeune Femme en Costume d’Albanaise” (Gruaja e re me kostum shqiptar) është një pikturë e realizuar nga piktorja franceze Mathilde Letizia Bonaparte (1820 -1904), vajza e Zherom Bonapartit, vëllait të perandorit francez Napoleon Bonapartit.
Piktura është pjesë e koleksionit në kështjellën “Château de Campagne” në Dordogne, Aquitaine, Francë.
Nuk është e qartë se nga është frymëzuar autorja për realizmin e kësaj pikture.
Mathilde Laetitia Wilhelmine Bonaparte (27 maj 1820 – 2 janar 1904) ishte vajza e vëllait të Napoleonit, Jérôme Bonaparte dhe gruas së tij të dytë, Catharina e Württemberg, vajza e mbretit Frederick I të Württemberg.
E lindur në Trieste, Mathilde Bonaparte u rrit në Firence dhe Romë. Ajo fillimisht ishte e fejuar me kushëririn e saj të parë, Napoleonin III të ardhshëm të Francës, por fejesa u prish pas burgimit të tij në Ham. Ajo u martua me një fisnik të pasur rus, Anatole Demidov, më 1 nëntor 1840 në Romë.
Në rënien e monarkisë në 1870, ajo jetoi në Belgjikë për një kohë, por shpejt u kthye në Paris. Gjatë gjithë kohës së saj në Francë, ajo mbajti lidhje me oborrin perandorak në Shën Petersburg, kushërinjtë e saj nga nëna. Në 1873, pas vdekjes së Princit Demidoff në 1870, ajo u martua me artistin dhe poetin Claudius Marcel Popel (1825-1892). Ajo vdiq në Paris në vitin 1904, në moshën 83-vjeçare.
