Deputeti socialist Erion Braçe ka reaguar sërish në rrjetet sociale, pas komenteve dhe kritikave që mori për qëndrimin e tij lidhur me reformën administrativo-territoriale. Këtë herë, ai ka publikuar një mesazh me akuza të rënda ndaj një personi që e përshkruan si “oligark” dhe që, sipas tij, është pjesë e politikës shqiptare.
Pa përmendur emra, Braçe pretendon se ky person ka ndërtuar pasurinë përmes tri mënyrave: shfrytëzimit të punonjësve, parave që ai i lidh me trafikun e drogës dhe transaksioneve që i cilëson fiktive e spekulative.
Në reagimin e tij, deputeti socialist ndalet fillimisht te komentet në rrjetet sociale, të cilat i konsideron të organizuara. Ai pretendon se pas tyre qëndrojnë persona të angazhuar për të sulmuar kritikët e “oligarkut”, duke i cilësuar si “patronazhistë” të tij.
Pjesën më të rëndë të reagimit, deputeti e lidh me pretendime për para që burojnë nga trafiku i drogës. Ai përmend edhe të afërm të personit të cilit i referohet, për të cilët pretendon se kanë qenë të përfshirë në aktivitet kriminal në Gjermani. Braçe ngre gjithashtu dyshime për shitblerje fiktive dhe fryrje të vlerave të pasurive.
Në fund, deputeti thotë se dokumentet për këto pretendime ua ka dorëzuar më herët agjencive shtetërore, por shpreh pakënaqësi për mungesën e veprimit që, sipas tij, ka pasuar. Ai ngre pikëpyetje edhe për arsyet se përse institucionet nuk kanë ndërhyrë.
Reagimi i Erion Braçes:
PATRONAZISTET E OLIGARKUT NE SULM!
E prisja, ka dy dite qe e ben;
Jo vetem ndaj meje por ndaj cilitdo te gjalli qe komenton ketu.
Shihini;
Jane pa fytyre, pa emra, pa postime, me fare pak ndjekes apo te ndjekur prej tyre. NUK EGZISTOJNE!
Jane robotet e kellires me te madhe qe ka politika sot;
ESHTE OLIGARKU I VETEM NE POLITIKE QE PAGUAN PATRONAZISTE NE TERRITOR E PATRONAZISTE NE RRJET!
Nese ate ne territor i ka bandite te dhunshem, keta ne rrjet i ka eunuke te dukshem;
Jam marre une me keta. Edhe me kete oligarkun jam marre.
Parate qe e bene te tille, OLIGARK, jane ne tre cikle;
Cikli i pare i parave te tij vjen era gjak. Jane mundi e sakrifica e djemve e vajzave te shfrytezuar barbarisht ketu, ne infrastrukturat e tij. Ka fituar pafund ai prej tyre, por te shfrytezuarit nuk marrin as sac marrin mesuesit sot si rroge; ai nuk i paguan asgje ketij vendi, transferon jashte parate e gjakut te te shfrytezuave ketu.
Cikli i dyte i parave te tij, vjen era miell, eshte ai mielli i ndyre qe masakron e vret djem e vajza edhe ketu; jane kusherinj te tij ata qe kane bere drogen ne Gjermani e qe ketu ishin punonjes politik te tij.
Cikli i trete i parave te tij, kane eren e spekullimit, shitje blerje fiktive, fryrje fiktivisht te vlerave, pasuri qe zmadhohet prej tyre.
Ja kam dorezuar heret une letrat e tyre agjencive te kesaj qeverie; ja bejne muuu; nuk e kam kuptuar kurre pse e kane falur. Si thoni? Pse e kane falur?
Burimi: Kryesore