Inspektorati i Lartë i Deklarimit dhe Kontrollit të Pasurive ka publikuar deklarimet vjetore të pasurisë së anëtarëve të kabinetit qeveritar për vitin 2025, ku bien në sy investimet në pasuri të paluajtshme, kreditë dhe lëvizjet në llogaritë bankare.
Ndër ministrat që spikasin për ndryshimet më të mëdha është ministrja e Ekonomisë dhe Inovacionit, Delina Ibrahimaj, e cila ka deklaruar blerjen e një apartamenti me sipërfaqe 244.98 metra katrorë, me vlerë 320 mijë euro, ku rezulton pronare 100%. Sipas deklarimit, pasuria nuk është regjistruar ende dhe është financuar tërësisht me kredi bankare. Gjatë vitit 2025 ajo ka shlyer vetëm 1,606 euro, ndërsa detyrimi i mbetur ndaj bankës është 318,394 euro.
Ibrahimaj deklaron gjithashtu se zotëron edhe dy apartamente të tjera, të cilat i ka lënë kolateral për kredinë. Përveç pagës si ministre dhe ish-ministre e Shtetit, ajo ka deklaruar të ardhura nga qiratë në vlerën 13,200 euro, si dhe investime në fonde financiare. Të ardhurat e saj nga funksionet ministrore gjatë vitit arrijnë në mbi 3.5 milionë lekë, ndërsa deklaron edhe të ardhura të tjera në disa kategori.
Lëvizje të rëndësishme pasurore shfaq edhe familja e ministres së Arsimit, Mirela Kumbaro. Vetë ministrja ka shtuar rreth 4.6 milionë lekë në llogaritë bankare dhe deklaron të ardhura nga paga prej afro 3 milionë lekësh.
Megjithatë, ndryshimet më të mëdha rezultojnë në deklarimin e bashkëshortit të saj, Aleksandër Furxhi, i cili ka blerë 50% të një apartamenti me sipërfaqe 69.10 metra katrorë, me vlerë 72 mijë euro, si dhe 50% të një garazhi prej 18 metra katrorë. Në deklaratë figurojnë gjithashtu investime në fonde me vlerë 5 milionë lekë, honorare prej 3.6 milionë lekësh, si dhe lëvizje të shumta në llogaritë bankare, me tërheqje që arrijnë deri në 98 mijë euro.
Krejt ndryshe paraqitet deklarimi i ministrit të Bujqësisë, Andis Salla, i cili rezulton të ketë vetëm një pasuri të paluajtshme, një apartament me sipërfaqe 48 metra katrorë, me vlerë 3.2 milionë lekë, ku është pronar i vetëm.
Në deklarimet e pasurisë bie në sy edhe ministri i Ekonomisë, Kulturës dhe Inovacionit, Blendi Gonxhja, i cili deklaron mbi 3.39 milionë lekë në një llogari bankare, si dhe fonde investimi me vlerë mbi 443 mijë lekë. Ndërkohë, bashkëshortja e tij rezulton të ketë një depozitë bankare prej 247,095 euro, një llogari bankare me 9,652 euro, si dhe 5.1 milionë lekë të ardhura nga qiraja.
Ndërsa ministri Ermal Nufi deklaron blerjen e një automjeti me vlerë 15 mijë euro dhe shitjen e një automjeti tjetër për 8 mijë euro. Ai zotëron gjithashtu një llogari bankare me 10,978 euro dhe fonde investimi në vlerën 251 mijë lekë.
Në deklarimin e Nufit bien në sy edhe të ardhurat e konsiderueshme nga pjesëmarrja në borde dhe këshilla drejtues. Ai ka përfituar 18 mijë euro nga Durrës Yacht & Marina, 1.29 milionë lekë nga KAYO sh.a., 471 mijë lekë nga Albpetrol, 106 mijë lekë nga Agjencia Shtetërore e Kadastrës dhe 51 mijë lekë nga Autoriteti Rrugor Shqiptar, duke siguruar të ardhura shtesë përtej pagës si ministër.
Deklarimet e këtij viti tregojnë se pasuritë e ministrave vijojnë të dominohen nga investimet në prona, kreditë bankare për blerje banesash dhe lëvizjet në depozita e fonde investimi, ndërsa në disa raste pasuritë e familjarëve rezultojnë më të zgjeruara sesa ato të vetë anëtarëve të kabinetit qeveritar.
Deklarimet pasurore të disa prej ministrave
Delina Ibrahimaj
Prona:
Apartament 244.98 m² – 320,000 euro (100% pronare, i blerë me kredi)
Dy apartamente të tjera (100% pronare, të lëna kolateral)
Të ardhura dhe aktive:
Të ardhura nga qiraja: 13,200 euro
Fonde investimi: 505,040 lekë
Fonde investimi: 819,472 lekë
Paga si ministre: 694,243 lekë
Paga si Ministre Shteti: 2,080,980 lekë
Honorare: 748,111 lekë
Detyrime:
Kredi bankare: 320,000 euro
E shlyer: 1,606 euro
Mbetur: 318,394 euro
Mirela Kumbaro
Prona (familja):
Bashkëshorti: 50% apartament 69.10 m² – 72,000 euro
Bashkëshorti: 50% garazh 18 m² – 2,000 euro
Aktive:
Llogari bankare të shtuara: rreth 4.6 milionë lekë
Fonde investimi: 2,722 euro
Të ardhura:
Paga: 2,979,048 lekë
Bashkëshorti:
Fonde investimi: 5 milionë lekë
Honorare: 3.6 milionë lekë
Andis Salla
Prona:
Apartament 48 m² – 3.2 milionë lekë (100% pronar)
Të ardhura:
Paga si ministër: 695,965 lekë
Paga si kryetar i Bashkisë Cërrik: 2,076,699 lekë
Blendi Gonxhja
Aktive:
Llogari bankare: 3,390,881 lekë
Fonde investimi: 5,215 lekë
Fonde investimi: 438,464 lekë
Bashkëshortja:
Llogari bankare: 9,653 euro
Depozitë bankare: 247,095 euro
Të ardhura nga qiraja: 5.1 milionë lekë
Ermal Nufi
Pasuri:
Blerje automjeti: 15,000 euro
Shitje automjeti: 8,000 euro
Aktive:
Llogari bankare: 10,978 euro
Fonde investimi: 251,138 lekë
Të ardhura nga bordet:
Durrës Yacht & Marina: 18,000 euro
KAYO sh.a.: 1,289,276 lekë
Albpetrol: 471,240 lekë
Agjencia Shtetërore e Kadastrës: 106,250 lekë
Autoriteti Rrugor Shqiptar: 51,000 lekë
Ferit Hoxha
Aktive:
Llogari bankare: +46,617.33 euro
Llogari bankare: +730 euro
Huadhënie: 25,000 euro
Të ardhura:
Paga si ambasador në Misionin e Shqipërisë pranë BE-së: 33,408 euro
Të ardhura të tjera: 25,000 euro (kthim huaje)
Djali – Maximilien Nemo Kastriot Hoxha
Llogari bankare: +545.90 euro
Llogari bankare: -6,767.63 euro
Llogari bankare: -987.18 euro
Paga (Wavestone): 32,415.24 euro
Djali – Gabriel Leo Paul Hoxha
Llogari bankare: +187.24 euro (nga prindërit)
Llogari bankare: -2,331.02 euro
Depozitë bankare: 265.19 euro
Depozitë bankare: 187.24 euro (nga prindërit)
Enea Karakaçi
Aktive:
Gjendje cash: -400,000 lekë
Llogari bankare: -49,742.95 lekë
Llogari bankare: 22.74 euro
Llogari bankare: 304,595.25 lekë
Të ardhura:
Paga: 3,372,805 lekë
Interesa bankare: 27,714.41 lekë
Detyrime:
Kredi e shlyer: 5,038.92 euro
Kredi e pashlyer: 52,309.19 euro
Kartë krediti e shlyer: 23,618.12 lekë
Kartë krediti e pashlyer: 10,802.15 lekë
Bashkëjetuesja – Eda Jasini
Gjendje cash: -400,000 lekë
Llogari bankare: 22.74 euro
Llogari bankare: 103,583.17 lekë
Paga: 1,625,000 lekë
Dieta: 17,655 lekë
Overdraft i paguar: 54,824.57 lekë
Overdraft i papaguar: 10,796.13 lekë
Kredi e paguar: 5,038.92 euro
Kredi e papaguar: 52,309.19 euro
Petrit Malaj
Aktive:
Llogari bankare: -9,507.41 lekë
Llogari bankare: 0.46 euro
Llogari bankare: -607.33 euro
Llogari bankare: -107,110.76 lekë
Të ardhura:
Paga si ministër: 3,029,538 lekë
Detyrime:
Kredi e shlyer: 306,240 lekë
Kredi e pashlyer: 5,942,684 lekë
Bashkëshortja – Ana Malaj
Llogari bankare: -5,109 euro
Llogari bankare: -533.60 euro
Llogari bankare: -6,963.62 euro
Llogari bankare: 8,462.95 euro
Llogari bankare: -341,340 lekë
Llogari bankare: 3,403.41 euro
Llogari bankare: 856,254.92 lekë
Të ardhura:
Paga: 60,305 euro
Detyrime:
Kredi e shlyer: 306,240 lekë
Kredi e pashlyer: 5,942,684 lekë
