Deputeti i Partisë Socialiste, Agron Çela doli nga Prokuroria e Posaçme pas rreth dy orësh.
Deputeti Agron Çela i cili braktisi LSI-në për PS-në, ka folur shkurtimisht për mediat pas marrjes në pyetje.
Në një deklaratë të shkurtër për mediat, Çela tha se nuk kishte dijeni për dosjen CEZ-DIA.
“Isha për punët e mia. Kastriot Ismailajn nuk e njoh, kush është ky. Nuk di gjë për dosjen CEZ-DIA. Me Ilir Metën kam marrëdhënie shumë të mira”, është shprehur Çela.
Mësohet gjithashtu se deputeti socialist është paraqitur edhe ditën e djeshme në ambientet e Prokurorisë së Posaçme, por nuk u mor në pyetje.
