AlbTimes
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
AlbTimes
Home Botë

OKB-ja kërkon mobilizimin e shteteve për t’u përballur me fenomenin El Ninjo

by Alb Times
21/10/2026
in Botë
6
0
OKB-ja kërkon mobilizimin e shteteve për t’u përballur me fenomenin El Ninjo

Foto: Lajme ndërkombëtare

6
SHARES
301
VIEWS
Share on FacebookShare on Twitter

Fenomeni klimatik El Ninjo, që po prek planetin, po merr përmasa të papara, paralajmëroi të mërkurën Organizata e Kombeve të Bashkuara (OKB), duke u bërë thirrje shteteve të ndërmarrin urgjentisht masa për t’u përgatitur për skenarët më të këqij.

El Ninjo pritet të arrijë kulmin në dhjetor, por pasojat për njerëzit nga temperaturat ekstreme, përmbytjet dhe thatësira që lidhen me të, pritet të vazhdojnë deri në vitin 2027 dhe më tej.

OKB-ja bëri thirrje për masa parandaluese për të mbrojtur miliona njerëz që janë më të ekspozuar ndaj rreziqeve, përpara se të jetë vonë.

“Fenomeni aktual El Ninjo mund të jetë e paprecedentë për nga fuqia: përtej kufijve të grafikëve të monitorimit që kemi përdorur gjatë katër dekadave të fundit”, tha Celeste Saulo, drejtuesja e agjencisë së OKB-së për motin dhe klimën.

“Ne tashmë jemi dëshmitarë të ngjarjeve ekstreme të motit dhe presim që ato të shtohen e të shkaktojnë pasoja zinxhirore, teksa El Ninjo intensifikohet”, tha drejtuesja e Organizatës Botërore Meteorologjike (OBM) në një konferencë për media në Gjenevë, së bashku me shefin e ndihmave të OKB-së, Tom Fletcher.

Ata bënë thirrje për “veprim urgjent dhe të koordinuar paraprakisht” për të mbrojtur komunitetet më të cenueshme, të cilat veçse jetojnë në kushte të vështira.

“Ne nuk mund ta ndalim El Ninjon, por mund të parandalojmë shumë nga pasojat e tij më të rënda për njerëzit”, tha Saulo.

Fletcher e përshkroi El Ninjon si një fenomen shkatrrimtar, që do të shkaktojë kaos në Amerikën Latine, Afrikën Lindore dhe Jugore, Azi dhe rajonin e Paqësorit.

Ai tha se pasojat afatgjata “do të ndihen për muaj të tërë dhe potencialisht për vite me radhë… sepse kemi kriza që mbivendosen njëra mbi tjetrën”.

Ai përmendi konfliktet dhe zhvendosjet e mëdha të popullsisë, rritjen e ndjeshme të çmimeve të karburanteve, plehrave kimike dhe ushqimeve, si dhe shkurtimet e mëdha të ndihmave.

“Rreziku është që dhjetëra miliona njerëz të shtyhen drejt nevojës për ndihmë humanitare”, theksoi ai, duke paralajmëruar se 50 milionë njerëz mund të përballen me uri.

Fletcher, ndërkaq, tha se dy javët e ardhshme janë “kritike për të vepruar”.

Ai paralajmëroi se dëmet nga El Ninjo nuk do të kufizohen vetëm në vendet që do të goditen drejtpërdrejt.

“Ai do të shkaktojë goditje ekonomike për ekonominë globale dhe do të nxisë konflikte të mëtejshme, zhvendosje të popullsisë dhe migrim”, tha ai.

“Po jap alarmin se sistemi humanitar… nuk mund ta përballojë i vetëm një kërcënim të kësaj përmase”.

Ai u bëri thirrje vendeve, bankave për zhvillim dhe institucioneve financiare ndërkombëtare që të vënë në dispozicion fondet “përpara se të shkaktohen dëmet”.

Fletcher tha se kishte vënë në dispozicion 50 milionë dollarë për të ndihmuar 11 vende që janë të rrezikuara drejtpërdrejtë, përfshirë Çadin, El Salvadorin, Etiopinë, Somalinë dhe Sudanin e Jugut.

Fenomeni El Ninjo rrit temperaturat e sipërfaqes së ujit në pjesën qendrore dhe lindore të Oqeanit Paqësor pranë ekuatorit, duke shkaktuar ndryshime globale në erëra, presion atmosferik dhe modelet e reshjeve të shiut.

Ky fenomen ndodh zakonisht çdo dy deri në shtatë vjet dhe zgjat rreth nëntë deri në 12 muaj. Kushtet luhaten mes El Ninjos dhe të kundërtës së tij, La Ninja, me kushte neutrale në periudhën ndërmjet dy fenomeneve.

Ky fenomen natyror i motit pritet të shkaktojë temperatura më të larta në pjesën më të madhe të planetit, duke i shtuar efektet e ndryshimeve klimatike të shkaktuara nga aktiviteti i njeriut.

Parashikimi i fundit i publikuar nga OKB-ja thotë se temperaturat e sipërfaqes së detit në Oqeanin Paqësor tropikal, që është epiqendra e El Ninjos, mund të rriten deri në 3.8 gradë Celsius mbi mesataren gjatë periudhës nëntor-janar. Këto shifra janë shumë më të larta sesa vlerat tipike që shkaktohen nga fenomeni El Ninjo.

Teksa El Ninjo zakonisht arrin kulmin ndërmjet nëntorit dhe shkurtit, rritja e temperaturave që vjen si pasojë e tij zakonisht ndodh më vonë.

Fenomeni i fundit El Ninjo kontribuoi që viti 2023 të ishte viti i dytë më i nxehtë i regjistruar, ndërsa viti 2024 shënoi rekordin e të gjitha kohërave.

El Ninjo aktual veçse ka goditur rëndë disa rajone, përfshirë Amerikën Qendrore, ku kafshët po ngordhin dhe të mbjellat po shkatërrohen si pasojë e thatësisë.

The post OKB-ja kërkon mobilizimin e shteteve për t’u përballur me fenomenin El Ninjo appeared first on Euronews Albania.

Burimi: Botë

Burimi: Lajme ndërkombëtare

Tags: BotaOKB
SendShare2Tweet2

Lajmet e fundit

“Nuk ka provim 100% në shqip”/ Mickoski kundër studentëve shqiptarë: Pjesa praktike vetëm në gjuhën maqedonase

09/11/2026

Arrestohet 24-vjeçari shqiptar në Gjermani, u var pas trenit pasi nuk kishte biletë

09/11/2026

Baçi: Duhet të jetë lista 100% e hapur. Nuk duhen ruajtur deputetët që kanë frikë elektoratin

09/11/2026

Mediat greke zbulojnë të kaluarën kriminale të Robert Dukës, i dyshuar për 28 grabitje bankash në Greqi

09/11/2026

“PD është në kaos dhe pa strategji” / Leka: Berisha s’mund të kërkojë zgjedhje të parakohshme, ja çfarë e pret opozitën

09/11/2026

Pranoi tradhtinë ndaj gruas, CEO i Nvidia mund të përballet me një divorc prej 81 miliardë dollarësh

09/11/2026

Rama ndan detaje nga takimi me Macron: Folëm për të gjitha temat me interes të përbashkët

09/11/2026

“Skifteri” shqiptar publikon bisedat me gazetarët anglezë: Më ofruan para! Ja çfarë i kërkova Nigel Farage

09/11/2026

Shqipëria në sytë e një emigranti

09/11/2026

Aksident në Qafë Plloçë! Makina me targa greke përplaset me “Benz”-in, plagoset një grua (Emrat)

09/11/2026

Drejtoresha e burgjeve mund ta ndihmojë qeverinë me standarde të reja, jo me justifikime të vjetra

09/11/2026

Hyn në fuqi vendimi i qeverisë për resortet mikse: 60% e sipërfaqes për turizëm pjesa tjetër për banesa!

09/11/2026

Tragjedia që shkatërroi pallatin në Elbasan, banori: Gjithçka u shemb brenda sekondash, babai u hodh nga ballkoni…

09/11/2026

VIDEO / “Në fokus integrimi në BE dhe…”, Rama ndan pamjet nga takimi me Macron në Paris

09/11/2026

Berisha premtoi se do ikë kur ta lërë mendja, po kush guxon t’ia thotë?!

09/11/2026
Facebook Twitter Instagram LinkedIn
AlbTimes

Të fundit

  • “Nuk ka provim 100% në shqip”/ Mickoski kundër studentëve shqiptarë: Pjesa praktike vetëm në gjuhën maqedonase
  • Arrestohet 24-vjeçari shqiptar në Gjermani, u var pas trenit pasi nuk kishte biletë

Shfletoni

  • Botë
  • Dossier
  • Editorial
  • Jetë
  • Kosovë
  • Kronikë
  • Kryesore
  • Kuriozitete
  • Opinion
  • Politikë
  • Sociale

© 2018-2026 ALBTIMES - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
WP2Social Auto Publish Powered By : XYZScripts.com
No Result
View All Result
  • Politikë
  • Opinion
  • Kronikë
  • Sociale
  • Botë
  • Jetë
  • Dossier
SAVED POSTS

© 2018-2026 ALBTIMES - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.