Marrëdhënia e Elia Zaharias dhe Princ Lekës duket se ka shkuar drejt fundit.
Pas shumë zërave për ndarje në mediat rozë çifti nuk ka reaguar çka do të thotë se ata po presin thjesht procesin gjyqësor për t’i dhënë zyrtarisht fund martesës së tyre.
Ndërkohë mediat raportojnë se për vajzën e tyre, Geraldina, do të vijojnë të kujdesen në mënyrë të barabartë.
Si Elia po ashtu dhe Princi kanë kërkuar që asnjë rutinë e saj të mos cënohet dhe mos e ndjejë aspak ndarjen e prindërve të saj.
Por divorci nuk do të privojë Elia Zaharina nga trashëgimia pronësore e Familjes Zogu, pasi raportohet se ajo do të marrë pjesën e saj.
Çifti u fejua në Paris në vitin 2010 dhe Elia ka rrëfyer gjatë një interviste se njohja me princin ka qenë arsyeja kryesore pse ajo është rikthyer në Shqipëri.
Në vitin 2016 Elia dhe Pirnc Leka u martuan në një ceremoni që mori vëmendjen e gjithë vendit dhe jo vetëm. 4 vite më vonë erdhi në jetë bekimi i parë dhe duket se i vetëm për çiftin, vajza e tyre Geraldina.
Ishte pikërisht ditëlindja e 3-të e vajzës së tyre që vuri në pah distancën mes Elias dhe Princit. Në fakt, daljet publike të çiftit në krah të njëri-tjetrit mungojnë prej rreth 2 vitesh.
