Sekretari i përgjithshëm i PD-së, Flamur Noka, ka akuzuar efektivët e policisë për dhunë, duke deklaruar se, sipas tij, ata kanë goditur në sy liderin e opozitës.
“Jeni shndërruar si bandë. A kujtoni se do jetë gjithë jetën Rama dhe Gysi Agasi? Keni marrë urdhër, keni goditur direkt në sy kreun e opozitës. Tërhiquni!”, është shprehur Noka.
Kreu i Partisë Demokratike, Sali Berisha, është rikthyer në protestën e opozitës në Tiranë, pasi më herët u largua për shkak të problemeve shëndetësore të shkaktuara nga gazi lotsjellës.
Pas një ndërprerjeje të shkurtër, kryedemokrati i është bashkuar sërish protestuesve.
