Biznesmeni Sino Llanaj, pallati i të cilit u bllokua sot në Yzberisht për shtesë pa leje në hapësirën publike, nuk është një emër i panjohur për autoritetet. Në vitin 2024, ai u arrestua në Vlorë pasi u kap me armë dhe municione në automjet. Llanaj po lëvizte në autostradën Fier-Vlorë, kur u ndalua nga policia dhe brenda automjetit i gjetën një pistoletë dhe municion luftarak, e fshehur në kroskot me qese plasmasi.
Në janar të vitit 2021, ai u konfliktua me ortakun e tij të kompanisë “Star Construksion”, Albert Allmuça. NI plagosur me armë zjarri mbeti Llanaj. Nga konflikti mes dy ortakëve, kanë mbetur në qiell të hapur 120 familjet e këtij kompleksi, të cilët kanë zhvilluar edhe protesta për shkak se nuk futen në banesë prej më shumë se 10 vitesh.
Sherri mes ortakëve ka nisur pasi palët nuk kishin rënë dakord për punimet e një pallati; i cili do të ndahej me struktura 2,9 dhe 11 kate mbi tokë.
Ndërkohë edhe në vitin 2022 Llanaj ka qenë protagonist i një tjetër incidenti, kur iu zjarri qëllimisht makinës së vëllait të tij, Dritan Llanaj, e si pasojë u dogjën edhe disa mjete të tjera. Edhe ky incident ndodhi në garazhin e pallatit që ishte ndërtuar nga Sino Llanaj./Shqiptarja.com