Bardhi vjen në një nga intervistat më personale të tij në Grida Duma Podcast, ku rrëfen episode të panjohura nga fëmijëria, lufta, familja, karriera dhe jeta e tij me Sarën.Mes emocioneve më të forta është kujtimi i luftës, kur shtëpia e familjes së tij u godit me bombë.
“Dyert ishin plot me plumba”, kujton këngëtari, ndërsa rrëfen përjetimet që e kanë shoqëruar që nga fëmijëria.
Në bisedën me Grida Dumën, Bardhi tregon se besimi në Zot e ka ndihmuar të kalojë zhgënjimet dhe momentet më të vështira të jetës, ndërsa flet edhe për familjen e madhe ku është rritur dhe vlerat që ka marrë prej saj.
Një pjesë e rëndësishme e intervistës i kushtohet jetës private. Bardhi tregon se ardhja në jetë e fëmijës e ka ndryshuar rrënjësisht.
“Pse nuk jam bërë baba më herët?”, shprehet ai, duke pranuar se prindërimi i ka dhënë një kuptim krejt tjetër jetës, duke folur edhe për një vajzë dhe dashuri të madhe që po vjen në jetën e tij.Në fund, Bardhi bën edhe një deklaratë romantike që nuk kalon pa u vënë re: “Edhe një jetë tjetër ta kisha, nuk do të gjeja një më të mirë se Sara.”
