Presidenti kinez Xi Jinping ka bërë një kritikë të tërthortë ndaj Shtetet e Bashkuara të Amerikës, duke paralajmëruar se bota nuk duhet të rikthehet më në “ligjin e xhunglës”, në komentet e tij më të drejtpërdrejta deri tani lidhur në lidhje me luftën mes SHBA-ve, Izraelit dhe Iranit.
Gjatë një takimi në Pekin me princin e kurorës së Abu Dhabit, Xi theksoi se respektimi i ligjit ndërkombëtar nuk duhet të jetë selektiv, duke shtuar se rregullat nuk mund të përdoren vetëm kur i përshtaten interesave të njëanshme. Këto deklarata interpretohen si një mesazh i qartë ndaj politikave amerikane në konfliktin aktual.
Ndërkohë, Kina po përpiqet të luajë një rol më aktiv diplomatik për të ruajtur armëpushimin dyjavor të arritur së fundmi midis SHBA-ve, Izraelit dhe Iranit. Situata mbetet e tensionuar, veçanërisht në Ngushticën e Hormuzit, një rrugë jetike për transportin global të naftës, ku Irani ka kufizuar lëvizjen e anijeve dhe SHBA-të ka ndërmarrë masa bllokade për të ndalur eksportet iraniane.
Ministri i Jashtëm kinez, Wang Yi, ka intensifikuar kontaktet diplomatike, duke bërë thirrje për ruajtjen e armëpushimit, të krijuar për bisedime paqeje, edhe pse takimet e fundit mes palëve nuk prodhuan marrëveshje konkrete.
Kina po përpiqet të ruajë një balancë delikate midis marrëdhënieve të saj me Iranin dhe tensioneve me SHBA-të, ndërsa ka dënuar luftën, por pa marrë një pozicion plotësisht të njëanshëm. Kjo qasje lidhet edhe me interesat strategjike të Pekinit, pasi një pjesë e madhe e importit të naftës kineze kalon përmes Ngushticës së Hormuzit.
Ekspertët theksojnë se përshkallëzimi i krizës në rajon e ka shtyrë Kinën të angazhohet më shumë në diplomaci, me synimin kryesor ndalimin e luftimeve dhe rikthimin e dialogut. Sipas tyre, Pekini është i gatshëm të marrë një rol më të madh ndërkombëtar për të ndihmuar në arritjen e paqes dhe stabilitetit në Lindjen e Mesme.
