Gazetarët kryesorë pranë mediave të biznesmenit Irfan Hysenbelliu i janë bashkuar protestës për rrëzimin e qeverisë, jo në rolin e raportuesit, pra të informimit të publikut, por i janë bashkuar revolucionin, duke marrë rol protagonisti. Edhe gazetari është në të drejtën e tij për të protestuar, denoncuar padrejtësi dhe skandale, madje për t’u bërë flamingo, revolucionar apo guerilas.
Pyetja që shtrohet është; A i janë bashkuar gazetarët pranë mediave të Hysenbelliut me vullnetin e tyre protestave apo ata po detyrohen nga pronari për t’i fryrë sa më shumë protestës me shpresë për të hyrë në pazar me Edi Ramën, për t’i falur 6.4 milionë euro taksa të papaguara, rikthimin e godinave publike në Shkozë për biznes si dhe lejimin e përdorimit të pasurisë publike kovikti i Gjuheve të Huaja, godinë të cilën Fania e ka kthyer në binznes të vetin, Universiteti Luarasi?
Prej muajsh pa marrë rrogat, gazetarët e Fanes u bashkohen protestuesve nga pas deri pas mesnate, ndërsa të tjerë lexojnë edhe kërkesat e protestuesve. Kjo protestë nuk do të kishte kuptim pa iu bashkuar Zonja Pretenc e cila madje shfaq lëvizje akrobatike në protestë duke ‘tronditur’ qeverinë.
Tek mikrofoni i protestës është shfaqur edhe Klevin Muka, gazetar pranë News 24 të Irfan Hysenbelliut, duke lexuar kërkesat e protestuesve, ku kryesorja është dorëheqje e Ramës.
Protestës i është bashkuar edhe gazetari pranë News 24, Osman Stafa, i njohur për denoncimin e degradimit të shëndetësisë. Në disa raste Stafa ka marrë mikrofonin, duke kërkuar largimin e Edi Ramës si kryministër.
Protestës për rrëzimin e Edi Ramës nga pushteti i është bashkuar edhe Renaldo Salianji, gazetar pranë News 24.
Në sheshin e para Kryeministrisë ka dalë edhe Anduena Llabani herë si gazetare për të raportuar për News 24 dhe herë si protestuese. E njohur për parashikime datash kur Edi Rama do të udhëtonte drejt SHBA-ve me avokat me vete për të dhënë llogari, Babani çuditërisht është rezervuar për parashikin e fatit të kësaj proteste.
Protestës për rrëzimin e qeverisë Rama i janë bashkuar edhe Shpend Gashi dhe Marsel Rupi, gazetarë pranë News 24. Shpend Gashi është një nga protagonistët e protestës për rrëzimin e Edi Ramës.
Ndërsa Marsel Rupi pothuaje sishte në anën e protrestuesve mbrëmë, pasi ata sulmuan komisariatin nr. 3.
Ndëkaq, ka lënë pushimet luksoze dhe i është bashkuar protestës edhe çuni i Fanes, Fatmir Hysenbelliu, të cili tatimet i sekuestruan makinat luksoze pasi nuk paguan taksa.
Irfan Hysenbelliu për të rritur trysninë ndaj Ramëm me qëllim për të hyrë në pazare përdor edhe një tjetër marifet. Kur numri i protestuesve është i ulët, kameran e televizionit e ul pranë kokës së njerëzve, për të krijuar pereceptimin e rremë se cdo protestë është madhështore. Megjithatë, deri më tani, Edi Rama nuk ka dhënë asnjë sinjal zbutje, madje disa ditë më parë Tatimet i sekustruan Fanes 8 makina luksoze pasi nuk ka paguar 6.4 milionë euro.
