Kjo foto e veçantë që po shihni jo më kot është përzgjedhur për çmimin “Fotografia e Jetës së Egër të Vitit” nga People’s Choice.
Siç duket në foto, imazhi tregon një ari polar në veriun e Norvegjisë, i cili shfaqet duke fjetur mbi një masë të vogël akulli, ajsbergu.
Konkursi prestigjioz ka një seksion të hapur për publikun, me mundësinë për të votuar nga një përzgjedhje prej 25 imazhesh të jashtëzakonshme, me kafshë të egra.
Votimi është i hapur online deri më 31 janar. Fituesi dhe katër fotot më të mira do të shpallen në shkurt dhe do të shfaqen në internet, si dhe në ekspozitën personale në Muzeun e Historisë Natyrore në Londër.
