Nga Ylli Pata
Djegia e Tiranës në të gjitha nuancat e saj, është konsideruar si një zgjidhje politike. Nga Sali Berisha, partitë opozitare, e tashmë edhe nga Elisa Spiropali.
Kjo zgjidhje politike e përcaktuar tashmë ka faturën e saj. Jo thjesht financiare por politike. Kjo zgjidhje nuk ka ardhur spontanisht por është konsideruar si opsion. Sali Berisha i ofroi Edi Ramës dy mundësi; atë të Çausheskut që u pushkatua dhe Ramiz Alisë që u tërhoq. Elisa Spiropali i ofroi Edi Ramës dialog. Po me kë? Me njerëzit që kanë djegur Tiranën prej katër ditësh?
Kush janë këto njerëz, kë përfaqësojnë dhe çfarë kërkojnë? Ikjen e Edi Ramës edhe?
Diegia e Tiranës është vërtetë një zgjidhje politike por nuk mund të jetë një opsion politik, sado Shqipëria mund të ketë probeleme deficitare politike dhe demokratike.
Djegia e Tiranës është një opsion antidemokratik, antiparlamentar dhe plotësisht antieuropian.
Këtë faturë natyrisht që do ta donte ta merrte Sali Berisha, i cili është një politikan q ënuk ka skrupuj në logjikën e përballjes. Por këtë katrahurë nuk e ka kryer ai. E kanë kryer shërbime sekrete të huaja që kanë fuqinë ta bëjnë këtë.
Megjithatë faturën nuk do ta marrë askush tjetër përveç proxy-ve të tyre. Ata që thonë se ne këtë e kemi thënë e këtë kemi kërkuar.
Djegia e Tiranës nuk është opsion, pasi në një sistem demokratik opsion janë zgjedhjet, është një zgjidhje. Një zgjidhje ekstremę për të arritur një zgjidhje tjetër më ekstremę.
Qëndrimi i sotëm i Elisa Spiropalit nuk është gjë tjetër veçse marrja e autorësisë politike të diegies së Tiranës, e duke i ofruar Edi Ramës dialog.
Dialog me djegësit? Dialog me dhunuesit? Dialog me shkatërruesit? Pikërisht kjo është një argument për debat, pasi realisht siç ka ndodhur në histori palët ndërluftuese edhe flasin, edhe diskutojnë edhe negociojnë, por për çfarë.
Pastaj vjen edhe rasti, kushtet, situate, si mund të negociohet me maska? Me kë duhet të flasë Edi Rama? Me Saliun që i jep alternativën e Çausheshkut, apo me Elisën që i kërkon të bëjë mazhorancën e mëndafshtë?
Në politikë nuk ka shpesh kufij por ka fatura, e kësaj radhe duket qartë se kush e merr përsipër politikisht. Përveç Berishës e ka marrë edhe një pjesë e PS-së…
Burimi: Opinion