“Familjet e mëdha duhet të bëhen normë,” tha Vladimir Putin në Moskë të martën, me tonin e tij të famshëm, siç raportohet nga faqja e internetit “Business Insajder”.
Normat e lindjeve në Rusi bien mes luftës në Ukrainë dhe një krize ekonomike të thelluar që ka pllakosur vendin vitet e fundit. Presidenti i Rusisë u ka kërkuar grave që të kenë tetë ose më shumë fëmijë pasi numri i vdekjeve të ushtarëve rusë vazhdon të rritet ndërsa lufta në Ukrainë po vazhdon, duke përkeqësuar krizën e popullsisë në vend.
Duke iu drejtuar Këshillit Popullor Botëror Rus të mbajtur në Moskë, Putin theksoi në fjalimin e tij se vendi i tij duhet të kthehet në epokën kur familjet e mëdha ishin normë. “Shumë nga gjyshet dhe stërgjyshet tona kishin shtatë, tetë apo edhe më shumë fëmijë,” pohoi presidenti rus.
“Le t’i ruajmë dhe ringjallim këto tradita të shkëlqyera. Familjet e mëdha duhet të bëhen normë, një mënyrë jetese për popullin rus. Familja nuk është vetëm gurthemeli i shtetit dhe shoqërisë, ajo është një fenomen shpirtëror, burim morali”.
“Ruajtja dhe rritja e popullsisë së Rusisë është qëllimi ynë për dekadat e ardhshme, madje edhe për gjeneratat e ardhshme. Kjo është e ardhmja e shtetit rus, Rusia e përjetshme”, shtoi kreu i vendit.
Vërejtjet e Putinit vijnë në mes të dekadave të rënies së numrit të lindjeve në Rusi, vdekjeve të ushtarëve rusë në frontin ukrainas dhe pasojave ekonomike që rezultuan. Lufta në Ukrainë ka çuar në çrrënjosjen e 900,000 qytetarëve. Përveç kësaj, 300,000 njerëz të tjerë janë rekrutuar, duke intensifikuar problemin e fuqisë punëtore në Rusi.
Rreth 50,000 rusë kanë humbur jetën që nga fillimi i armiqësive në Ukrainë më 7 tetor, sipas një analize statistikore të kryer nga mediat ruse “Mediazona” dhe “Meduza” korrikun e kaluar. Tetorin e kaluar, Ministria e Mbrojtjes e Mbretërisë së Bashkuar raportoi se Rusia kishte 290,000 ushtarë të vrarë ose të plagosur në luftën e saj kundër Ukrainës.
Që kur erdhi në pushtet në Rusi – 24 vjet më parë – Putin është përpjekur të rrisë natalitetin në vend duke miratuar një sërë stimujsh për ata që kanë fëmijë, përfshirë shtesat për familjet që kanë më shumë fëmijë. Megjithatë, këto masa kanë pasur pak ose aspak efekt, me shifrat nga Rosstat, agjencia federale e statistikave të Rusisë, që vlerësojnë se popullsia e vendit nuk i kalonte 146,447,424 më 1 janar.
Sipas gazetës franceze “Le Monde”, në vitin 2023, popullsia ruse do të jetë në nivelet e vitit 1999, kur Putini mori për herë të parë frenat e vendi. “Rusia ka mungesë punëtorësh,” i tha AFP shkurtin e kaluar gazetari Alexei Raksha, i cili punoi për një muaj në “Rosstat”. “Ky është një problem i vjetër, por është përkeqësuar nga rekrutimi për luftën në Ukrainë dhe çrrënjosjet masive,” tha ai.
Megjithatë, disa rusë pretendojnë se ndihma financiare e premtuar nga qeveria për familjet e mëdha, si toka, nuk u dorëzua kurrë, raportuan rrjetet radiofonike ruse RadioFreeEurope/RadioLiberty në vitin 2020.
Vladimir Putin thuhet se ka më shumë se katër fëmijë, nga tre gra të ndryshme./Liberale.al
