Tiranë- Aksidenti në punë i 2 punonjësve në kompani të ndryshme në Tiranë, një 58-vjeçari në ndërtim dhe një 39-vjeçareje në fasoneri, i ka kushtuar marrjen nën hetim nënkontraktuesit të punimeve dhe përgjegjëses.
Specialistët për Hetimin e Krimeve të Komisariatit të Policisë Nr. 3 njoftuan sot (15 mars) se referuan materialet në Prokurori dhe nisën procedimin penal në gjendje të lirë për 62-vjeçarin me inicialet H. B., me detyrë nënkontraktues.
“MARRJA NËN HETIM U BË PËR SHKAK SE SHTETASI L. P., 58 VJEÇ DUKE PUNUAR NË NJË GODINË TË KONTRAKTUAR NGA FIRMA E KËTIJ SHTETASI, ËSHTË DËMTUAR DHE NDODHET NË SPITAL JASHTË RREZIKUT PËR JETËN”, BËRI ME DIJE POLICIA PARAPRAKISHT
Procedurat verifikuese po vijojnë dhe janë ende aktive, duke i kaluar Prokurorisë së Rrethit për zbardhjen e plotë të dinamikës, kushteve të sigurisë dhe shkaqeve.
Kurse specialistët për Hetimin e Krimeve të Komisariatit të Policisë Nr. 5 Kamëz referuan materialet në Prokurori, ku nisi procedimi në gjendje të lirë për A. L., 36 vjeçe, me detyrë përgjegjëse në një fasoneri.
Hetimet nisën për shkelje të sigurisë të rregullave në punë, pasi është dëmtuar lehtë punonjësja e fasonerisë, B. S., 39 vjeçe, e cila pas marrjes së mjekimit kaloi për në banesë.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.