Donald Trump ka rikthyer në vëmendje çështjen e bllokadës detare ndaj Iranit, duke e paraqitur atë si një faktor kyç presioni, përmes një postimi në platformën Truth Social.
Presidenti amerikan pretendon se Shtetet e Bashkuara po e fitojnë luftën me diferencë të madhe, pavarësisht narrativës së kundërt që, sipas tij, promovohet nga media të mëdha amerikane si The New York Times, The Wall Street Journal dhe The Washington Post.
Sipas tij, Teherani humbet rreth 500 milionë dollarë në ditë për shkak të kufizimeve në transportin detar, një shumë që siç thekson ai, nuk është e përballueshme as në afat të shkurtër. Ai shton se bllokada nuk do të hiqet, përveç nëse arrihet një marrëveshje.
Në të njëjtën kohë, presidenti përshkruan një situatë të dobësimit të plotë të forcave të armatosura iraniane, duke folur për një “flotë detare të zhdukur” dhe një “forcë ajrore joaktive”.
Trump akuzon gjithashtu mediat amerikane se “mbështesin palën kundërshtare” dhe se “urojnë fitoren e Iranit”, duke i cilësuar ato si anti-amerikane dhe të njëanshme politikisht.
Në një postim të dytë, ai deklaroi se udhëheqja iraniane ka detyruar qindra anije të drejtohen drejt SHBA-së, kryesisht në shtete si Texas, Louisiana dhe Alaska, për të marrë naftën e tyre.
