Përfaqësuesi i Lartë i Bashkimit për Punët e Jashtme dhe Politikën e Sigurisë Josep Borrell, njoftoi sot emrin e ambasadorit të ri të BE-së në Shqipëri.
Ai është Silvio Gonzato, një emër i spikatur në diplomacinë europiane. Gonzato ka shërbyer më parë si Zëvendës Ambasador i Delegacionit të BE-së në Kombet e Bashkuara në New York. Po ashtu ai ka shërbyer edhe si Drejtor për marrëdhëniet ndërinstitucionale, koordinimin e politikave dhe diplomacinë publike.
Silvio Gonzato para se të marrë detyrën në Tiranë ishte Ambasador, Zëvendës Shef i Delegacionit të Bashkimit Evropian në Kombet e Bashkuara. Ai ka qenë më parë Drejtor për Komunikime Strategjike, Çështje Parlamentare dhe Ligjore në Shërbimin Evropian të Veprimit të Jashtëm (EEAS) .
Një zyrtar i përhershëm i Bashkimit Evropian që nga viti 1988, z. Gonzato ka shërbyer më parë si Kryetar i Sekretariatit të Komitetit të Punëve të Jashtme të Parlamentit Evropian. Ai e ka kaluar pjesën më të madhe të karrierës së tij (trembëdhjetë vjet) duke punuar në Sekretariate të ndryshme të Komitetit, ku ka mbuluar politikat e brendshme dhe të jashtme. Përgjegjësitë e tij përfshinin këshillimin e Kryetarit të Komisionit për Punë të Jashtme lidhur me organizimin e aktiviteteve të këtij Komisioni, kontaktet me institucionet e tjera të BE-së, marrëdhëniet me Shërbimin Evropian të Veprimit të Jashtëm dhe kontaktet me misionet diplomatike në Bruksel.
Siç konfirmohet nga BE-ja, ambasadori i ri në Shqipëri do të emërohet zyrtarisht më 1 dhjetor 2023. Pak muaj më parë BE emëroi ambasador të përkohshëm në Tiranë, Luigi Soreca.
