Beteja ligjore që po zhvillohet në Hagë kundër drejtuesve të UÇK-së nuk është thjesht një proces gjyqësor, por një betejë gjeopolitike e mirëorkestruar nga akse anti-shqiptare.
Sipas Azgan Haklaj, pas këtij procesi qëndrojnë qarqe sllave, specifikisht Rusia dhe Serbia, të cilat synojnë të godasin dhe të çrrënjosin trashëgiminë e luftërave çlirimtare shqiptare në Kosovë dhe Maqedoninë e Veriut.
Ky skenar, sipas tij, është vazhdimësi e planeve historike serbe për ‘deshqiptarizimin’ e Kosovës. Haklaj solli në vëmendje platformat famëkeqe si ato të Vaso Čubrilović-it dhe operacionin ‘Patkoi’ të Millosheviçit, të cilat synonin spastrimin etnik të shqiptarëve.
‘Ata ende sot e quajnë Kosovën pjesë të Serbisë dhe përdorin memorandume të vjetra sa herë që ka beteja të tilla,’ theksoi ai. Diskutimi u zgjerua edhe në arenën aktuale politike rajonale, duke vënë në dukje ndikimin rus në Maqedoninë e Veriut përmes figurave si Aleksandër Dugin, këshilltari i Putinit. /dritare/
