Deputetët e Partisë Socialiste nuk kanë komentuar arrestimin e kryetarit të bashkisë së Tiranës, Erion Veliaj. Të thirrur në mbledhjen e grupit të PS-së, në kryesinë e Kuvendit, pasditen e sotme, deputetët janë treguar të rezervuar për të komentuar.
“Nuk kam komentuar vendimet e drejtësisë, por Erion Veliaj ka qenë e do të mbetet mik i mirë i imi” tha Toni Gogu.
“PS nuk ndërhyn në punët e drejtësisë dhe nuk komenton ato” tha Lavdërim Krashi.
Ndërkohë burimet bëjnë me dije për Report Tv se ‘arrestimi i Veliajt nuk është diskutuar fare në mbledhjen e grupit PS-së.
Për arrestimin e Veliajt pritet të ketë debat dhe në seancë parlamentare që do të nisë sot pasdite. Ndërkohë Kryeministri Edi Rama anuloi takimet që kishte parashikuar ditën e sotme në Shkodër.