Dy persona janë arrestuar dhe dy të tjerë është në kërkim për vrasjen e Klevis Lleshit në vitin 2020.
Në pranga është vënë Sabah Nuzi dhe Samet Lok, të dy 31 vjeç të cilet dyshohen për veprën penale vrasje për gjakmarrje, fshehje dhe asgjesim kufome, pastrim të produkteve të veprës penale, grup të strukturuar kriminal dhe vepra të kryera nga grupi i strukturuar kriminal.
Në kërkim është shpallur Aurel Hoxha, i njohur edhe me emrin Aurelinjo Kalaveri, 36 vjeç dhe Sajmir Kolaveri, të dyshuar për të njëjtat akuza. Vrasja makabre u zbulua nga zbardhja e komunikimeve në SkyEcc.
SPAK zbardhi vrasjen e ndodhur 5 vite më parë në Burrel dhe ka lëshuar 4 urdhër arresti.
Klevis Lleshi u zhduk pa lënë gjurmë në gusht të vitit 2020 dhe trupi i tij u gjet i groposur në fshatin Shpërdhet të Mamurrasit, më shumë se dy vite e gjysmë pas kontaktit të fundit që pati me familjen.