Sapo u ul në aeroportin Heathrow, ai shkoi menjëherë në kishën St. George në Windsor ku prehet mbretëresha. Princi vendosi një kurorë dhe lule në kujtim të gjyshes së tij, me të cilën ishte shumë i afërt. Më pas ai shkoi në Londër ku mori pjesë në ceremoninë e çmimeve të WellChild, një organizatë bamirësie për fëmijët me sëmundje të rënda.
Edhe Kate e William e nderuan mbretëreshën me një vizitë në Institutin e Grave, organizatë ku ajo kishte qenë anëtare për 80 vjet dhe presidente që nga viti 2003 e derisa vdiq. William tha se “nuk mund ta besoj që kanë kaluar tre vjet nga vdekja e mbretëreshës”.
Njëkohësisht janë tre vjet kur pajtimi mes vëllezërve nuk është realizuar. Ashtu si ky homazh për Elizabeth II, i zhvilluar nga të dy njëkohësisht në largësi, pa u prekur. Por pas takimit të verës mes të dërguarve të Mbretit dhe Dukës së Sussex, rruga drejt pallatit Buckingham nuk ka pengesa për Harry.
Nga dita e martë, ai do të jetë në Nottingham dhe do të kalojë disa ditë në Mbretërinë e Bashkuar. Mbreti, i cili ndodhet në Balmoral, do të rikthehet në Londër për funeralin e Dukeshës së Kentit që do të mbahet javën e ardhshme. Del koha edhe për një takim pasi edhe Harry mund të bëjë një ndalesë në Katedralen Westminster për t’i dhënë lamtumirën e tij dukeshës.