Kryeministri izraelit Benjamin Netanyahu bëri të ditur të hënën se gjatë kësaj jave do të thërrasë mbledhjen e Këshillit të Sigurisë Kombëtare, për të dhënë udhëzime të reja për ushtrinë izraelite lidhur me hapat e ardhshëm në Rripin e Gazës.
Në nisje të mbledhjes së rregullt të qeverisë, Netanyahu theksoi se objektivat ushtarake të Izraelit mbeten të pandryshuara dhe kërkojnë përmbushje të plotë.
“Duhet të qëndrojmë të bashkuar dhe të vazhdojmë luftën së bashku për të realizuar të gjitha objektivat tona: mposhtjen e armikut, lirimin e pengjeve tona dhe garantimin që Gaza nuk do të përbëjë më kërcënim për Izraelin,” u shpreh Netanyahu.
Ai nuk dha një datë të saktë se kur do të mblidhet Këshilli i Sigurisë, por la të kuptohet se vendimet e ardhshme do të jenë të rëndësishme për ecurinë e konfliktit në Gaza.