Izraeli dhe Irani nuk janë në luftë vetëm me armëtim ushtarak, por edhe me denzinformim duke përdorur Inteligjencën Artificiale.
BBC Verify shkruan se që prej nisjes së sulmit nga ana e Izraelit, kundërpërgjigja e Iranit ka ardhur edhe nga disa video të krijuara përmes Inteligjencës Artificiale, që tregojnë pasojat e sulmeve ndaj objektivave izraelite.
Por media britanike BBC shkruan se këto materiale filmike të publikuara nga Teherani të cilat janë ndjekur nga mbi 100 milion përdorues të rrjeteve sociale janë të rreme dhe janë të krijuar nga IA dhe se përmes tyre synohet glorifikimi i kundërpërgjigjes ushtarake të Iranit ndaj Izraelit.
Falsifikimet e IA-së janë përqendruar gjithashtu në pretendimet për shkatërrimin e avionëve luftarakë izraelitë F-35, një aeroplan i teknologjisë së fundit i prodhuar në SHBA, i aftë të godasë objektiva tokësore dhe ajrore.
Një postim i shpërndarë gjerësisht tregonte një avion të dëmtuar, pasi u rrëzua në shkretëtirën iraniane. Megjithatë, shenjat e manipulimit të inteligjencës artificiale ishin të dukshme: civilët përreth avionit si dhe automjetet ishin të njëjtës madhësi.
Në betejën e dezinformimit më pas nuk qëndron edhe Izraeli. BBC sqaron se e njëjta taktikë është ndjekur edhe nga ky i fundit, ku përmes llogarive pro-izraelite kanë ndarë gjithashtu dezinformata në internet.
Sipas medias britanike materialet e pavërteta të publikuara nga Izraeli janë kryesisht klipe të disa protestave të vjetra të zhvilluara kohë më parë në Iran.
Qëllimi, vijon artikullin e saj BBC, është që të krijojë klimën e tensioneve dhe revoltën e popullit Iranian kundër vendimeve të udhëheqësit të plotfuqishëm të Teheranit, Ajetollah Khamenei.