Aktroja e njohur Mariska Hargitay ka “hapur zemrën” dhe foli hapur rreth një sekreti tronditës familjar që e ka mbajtur për më shumë se 30 vjet.
Ylli i “Law & Order: Special Victims Unit” zbuloi se Mickey Hargitay, të cilin shumë e kanë njohur si babain e saj, nuk është prindi i saj biologjik dhe se këngëtari italian Nelson Sardelli është babai i saj i vërtetë.
“Ai ishte gjithçka për mua, idhulli im. Ai më donte shumë dhe e dija këtë. Unë dija dhe diçka tjetër, thjesht nuk dija asgjë…”, tha ajo për Vanity Fair për rritjen e saj me Mickey-n.
Dëshira për të zbuluar të vertetën e atësisë së saj, e çoi tek fakti tronditës së po jetojne “një jetë të gënjeshtërt”.
Nëna e aktores Jayne Mansfield, kërkoi divorcin nga Mickey në vitin 1963. Shoqja e ndjerë e Playboy më pas nisi një romancë të publikuar gjerësisht me këngëtarin dhe shpejt e gjeti veten shtatzënë me Mariska Hargitay.
Muaj para se të sillte në jetë aktoren në vitin 1964, Mansfield u pajtua me Mickey-n. Fituesja e çmimit Golden Globe, 61 vjeç, tha se zbuloi të vërtetën për babain e saj të vërtetë kur pa një fotografi të Nelson Sardelli.
“Mu duk sikur tavani më ra në kokë. E gjithë qenia ime u shpërbë”, kujtoi ajo në dokumentarin, i cili do të jetë gati për transmetim në HBO Max më 27 Qershor.
Megjithatë, babai i saj, Mickey, e mohoi historinë kur ajo u përball me të. Në moshën 30-vjeçare, aktorja shkoi të shihte Sardellin, tani 90 vjeç, në një koncert në Atlantic City ku u përball me të vërtetën.
Megjithatë, aktorja sot nënë e 3 fëmijëve 2 prej të cilëve të adoptuar, thotë me këmbëngulje se ka një “detyrim” besnikërie ndaj Mickey Hargitay, babait që e rriti dhe edukoi.
“U rrita aty ku duhej të rritesha dhe e di që të gjithë bënë zgjedhjen më të mirë për mua”, tha ajo. “Unë jam vajza e Mickey Hargitay”, përfundoi Mariska Hargitay.