Partia Aleanca e Maqedonasve për Integrimin Europian është tërhequr nga koalicioni “PD- Aleanca për Shqipërinë Madhështore” në garën për zgjedhjet e 11 majit.
Në një letër drejtuar Komisionerit Shtetëror të Zgjedhjeve, Ilirjan Celibashi, ky subjekt politik kërkon çregjistrimin e partisë nga ky koalicion.
Sot është edhe afati i fundit i dorëzimit të listave të kandidatëve nga subjektet politike. Ende nuk ka një listë përfundimtare, por këtë pasdite do të zyrtarizohen emrat e kandidatëve.
Letra drejtuar kreut të KQZ-së
Aleanca e Maqedonasve për Integrimin Europian
Tiranë, më 11.03.2025. Drejtuar: Z. Ilirjan CELIBASHI Komisioneri Shtetëror i Zgjedhjeve.
Lënda: Kërkesë për çregjistrimin e AMIE-së nga koalicioni zgjedhor “Partia Demokratike – Aleanca për Shqipërinë Madhështore”
I nderuar z. Celibashi,
Partia Aleanca e Maqedonasve për Integrimin Europian (AMIE) njofton tërheqjen nga koalicioni zgjedhor “Partia Demokratike – Aleanca për Shqipërinë Madhështore”, për zgjedhjet për Kuvendin e Shqipërisë të datës 11 maj 2025.
Në këtë kuadër, ju kërkojmë të çregjistroni emrin e partisë sonë nga ky koalicion.
Duke ju falënderuar për bashkëpunimin dhe mirëkuptimin tuaj.
Me respekt,
Kryetari i partisë
Aleanca e Maqedonasve për Integrimin Europian, Vasil Sterjovski.